ရှန်းဝမ်၊ မလေးရှား

အယ်ဒီတာ၏ မှတ်စု-

ယခု ကျွန်ုပ်တို့သည် သခင်၏ ပြန်ကြွလာခြင်းနှင့်ဆိုင်သော အရေးကြီးသည့် အချိန်တွင် ရောက်ရှိနေကြသည်။ ယုံကြည်သူအချို့သည် သင်းအုပ်ဆရာများနှင့် အကြီးအကဲများ ပြောသည့်အရာကို ယုံကြည်ကြသောကြောင့် ခရစ်တော်၏ အယောင်ကိုဆောင်သောသူများ၏ လှည့်ဖြားခြင်းခံရမည်ကို ကြောက်ရွံ့ကြပြီး တစ်စုံတစ်ဦးက သခင်ပြန်ကြွလာပြီဟု သက်သေခံနေသည်ကို ကြားသည့်အချိန်တွင်ပင် လမ်းခရီးကို ရှာဖွေဖို့ရန် မဝံ့မရဲဖြစ်နေသေးသည်အထိ သတိထားနေကြပြီး မတုန်မလှုပ် ဖြစ်လာကြလေသည်။ သို့ဆိုလျှင် တစ်ဦးတစ်ယောက်သည် သခင်၏ ပြန်ကြွလာခြင်းကို မည်သို့ ကြိုဆိုပြီး တစ်ချိန်တည်းမှာပင် ခရစ်တော်၏ အယောင်ဆောင်သောသူတို့ကို သတိထားနိုင်မည်နည်း။ ညီအစ်မ ရှန်းဝမ်က အဖြေကို တွေ့ရှိထားပါသည်။ ထို့ကြောင့် သူမ၏ အတွေ့အကြုံကို အတူတကွ တစ်ချက်လေ့လာလိုက်ကြပါစို့။

ခရစ်တော်၏ အယောင်ကို ဆောင်သောသူများသည် နောက်ဆုံးသောကာလတွင် ပေါ်ထွက်ပြီဖြစ်သောကြောင့် သင်းအုပ်ဆရာက အခြားအသင်းတော်မှ တရားဒေသနာများကို နားထောင်ခွင့်မပေးခဲ့ပါ

ကလေးဘဝကတည်းက သခင့်ကို ကျွန်မ ယုံကြည်ခဲ့ပါသည်။ ယင်းသို့ဖြင့် ကျွန်မ၏ အမေ(သင်းထောက်တစ်ဦးနှင့် ဥပုသ်စာဖြေကျောင်းဆရာမတစ်ဦးဖြစ်ခဲ့သူ) နောက် ကျွန်မ လိုက်ခဲ့သည်။ ဝတ်ပြုအစည်းအဝေးများကို မကြာခဏ ကျွန်မ တက်လေ့ရှိပြီး သူမနှင့်အတူ ကျမ်းစာ ဖတ်ခဲ့ကာ ကျွန်မ အသက်ရလာသည်နှင့်အမျှ ကလေးသူငယ် အဖွဲ့မှ ဂျူနီယာအဖွဲ့သို့ ကျွန်မ ပြောင်းတက်ခဲ့သည်။

ဂျူနီယာအဖွဲ့ကို ဒေသနာဝေငှခြင်းအတွက် တာဝန်ကျသည့် သင်းအုပ်ဆရာမှာ ဓမ္မပညာ ဒေါက်တာဘွဲ့ရသူတစ်ဦး ဖြစ်သည်။ သူက သင်းအုပ်ဆရာတစ်ဦး ဖြစ်ရသည်မှာ မလွယ်ကူပါ၊ သန့်ရှင်းသော ဝိညာဉ်တော်၏ စဉ်ဆက်မပြတ် တို့ထိမှုမခံရဘဲ သင်းအုပ်ဆရာတစ်ဦးအဖြစ် ဆက်ရှိနေဖို့မှာ အလွန်ခဲယဉ်းသည်ဟု ကျွန်မတို့ကို မကြာခဏ ပြောလေ့ရှိသည်။ ထို့ကြောင့် ကျွန်မတို့က သူ့ကို ပုဂ္ဂိုလ်ရေးကိုးကွယ်ခဲ့ကြသည်။ သူ့ကို သန့်ရှင်းသော ဝိညာဉ်တော်၏ တို့ထိခြင်း ခံရသူတစ်ဦးနှင့် သခင် အနှစ်သက်ဆုံးသော သူတစ်ဦးအဖြစ် ယုံကြည်နေခဲ့ကြသည်။ ကျွန်မတို့ကို တရားဒေသနာတစ်ခု သူ ပေးသည့်အခါ ကျမ်းစာမှ ကျမ်းချက်နှစ်ချက်ကို သူမကြာခဏ သုံးလေ့ရှိသည်။ “ထိုအခါ သူတပါးက၊ ဤအရပ်၌ ခရစ်တော်ရှိသည်၊ ထိုအရပ်၌ရှိသည်ဟု ဆိုသော်လည်း မယုံကြနှင့်။ အကြောင်းမူကား၊ ခရစ်တော်၏ အယောင်ကိုဆောင်သောသူနှင့် မိစ္ဆာပရောဖက်တို့သည် ပေါ်လာ၍၊ ရွေးချယ်သောသူတို့ကို ပြကြလိမ့်မည်။” (ရှင်မာကု ၁၃:၂၁-၂၂) သူက နောက်ဆုံးသော ကာလတွင် ခရစ်တော်၏ အယောင်ကို ဆောင်သောသူများစွာ ပေါ်ထွန်းလိမ့်မည်ကို ပြောပြခဲ့ပြီး ကျွန်မတို့ကို အမြဲ သတိရှိရန်နှင့် အခြားဒေသနာများကို သာမန်ကာလျှံကာ သွားပြီး နားမထောင်ကြရန် တိုက်တွန်းလေ့ရှိသည်။ အထူးသဖြင့် ကျွန်မတို့ထဲမှ သမ္မာကျမ်းစာထဲတွင် ခိုင်ခိုင်မာမာ အမြစ်မစွဲသေးသည့် သူများနှင့် ဝိညာဉ်ရေးအသက်တာများ အလွန်အားနည်းသည့် သူများအတွက် လှည့်ဖြားခံရခြင်းအဖြစ်ကို ရှောင်ရှားဖို့ရန်အလို့ငှာ အခြား ဂိုဏ်းဂဏမှ တစ်ဦးဦး ဟောကြားသည့် မည်သည့်တရားဒေသနာကိုမဆို နားမထောင်ရန်၊ မဖတ်ရန် သို့မဟုတ် မလေ့လာမဆန်းစစ်ရန်မှာ အကောင်းဆုံးဖြစ်သည်ဟု သူ ပြောခဲ့သည်။

ဤအရာအပြင် ကျွန်မတို့ ဖြစ်သည့်နည်းနှင့် ရှောင်ရှားသင့်သည့် အရှေ့ရပ်မှ လျှပ်ပြက်ခြင်း အပါအဝင် အသင်းတော် အချို့ကိုလည်း သင်းအုပ်ဆရာက မကြာခဏ ဖော်ပြတတ်ပြီး အရှေ့ရပ်မှ လျှပ်ပြက်ခြင်း အကြောင်း ဖြန့်ထားသည့် အပျက်သဘောဆောင်သော ကျော်ကြားမှုအချို့ကို ကျွန်မတို့ကို သူပြန်ပြောပြခဲ့သည်။ ယင်းနောက်တွင် ကျွန်မတို့ အဖွဲ့ဝင်များအားလုံးက ထိုအသင်းတော်ကို ရှောင်ရှားပါ့မည်ဟု ဆိုကြလေသည်။ ကျွန်မတို့ ကျမ်းစာကို များစွာ ဖတ်သရွေ့၊ ဝတ်ပြုအစည်းအဝေးများတွင် ပုံမှန်ဆက်လက်တက်ရောက်ပြီး ဝိညာဉ်ရေးရာ ဆက်ကပ်မှုများကို ပုံမှန်ဆောင်ရွက်သရွေ့၊ သခင့်ဆီ နေ့တိုင်း ကျွန်မတို့၏ အပြစ်များကို ဝန်ချပြီး နောင်တရသရွေ့၊ သခင် ကြွလာသည့်အခါ ကျွန်မတို့ကို ကောင်းကင်နိုင်ငံတော်ဆီ ချီဆောင်သွားလိမ့်မည်ဟု သင်းအုပ်ဆရာက ကျွန်မတို့ကို မကြာခဏ ဟောပြောခဲ့သည်။ သူပြောသည့်အရာကို ကျွန်မ ခိုင်ခိုင်မာမာ ယုံကြည်ခဲ့ပြီး အခြားအသင်းတော်က ဟောသည့် မည်သည့်တရားဒေသနာကိုမဆို သာမန်ကာလျှံကာ သွားပြီး နားမထောင်ဝံ့ခဲ့ဘဲ သင်းအုပ်ဆရာပြောသမျှကို ကျွန်မ လိုက်နာခဲ့ပါသည်။ ထို့ကြောင့် ကျွန်မသည် “သခင် ကြွလာဖို့အတွက် စောင့်ဆိုင်းခြင်း” ဟူသည့် လုံခြုံစိတ်ချရသည့် နယ်ပယ်ထဲတွင် ကျွန်မ အသက်ရှင်နေခဲ့သည်ဟု ခံစားခဲ့ရပါသည်။

၂၀၁၇ ခုနှစ် သြဂုတ်လ ရက်တစ်ရက်တွင် ကျွန်မတို့ အသင်းတော်မှ အစ်ကိုဟူက ကျွန်မကို လိုက်ရှာရင်း ကျောင်းကို ရုတ်တရက် ရောက်လာခဲ့သည်။ သူက အလွန်လေးနက်စွာဖြင့် “နင့်ကို ပြောဖို့ အရမ်းအရေးကြီးတဲ့အရာတစ်ခု ငါ့မှာ ရှိတယ်။ ကြည့်ရတာ နင့် အမေနဲ့ ညီမက အရှေ့ရပ်မှ လျှပ်ပြက်ခြင်းကို အခု ယုံကြည်နေကြပုံပဲ” ဟု ဆိုလေသည်။ ဤသတင်းကို ကျွန်မ ကြားရသည့်အခါ ကျွန်မ အံ့အားသင့်သွားပြီး ကိုယ့်ကိုယ်ကိုယ် စဉ်းစားမိသည်မှာ “သင်းအုပ်ဆရာက အရှေ့ရပ်မှ လျှက်ပြက်ခြင်းနဲ့ ဘာမှမပတ်သက်ဖို့ ငါတို့ကို အမြဲ တိုက်တွန်းနေတာ မဟုတ်လား။ ဘယ်လိုဖြစ်ပြီး ငါ့ အမေက အဲဒါကို စယုံနိုင်ရတာလဲ” ဟူ၍ ဖြစ်သည်။ ထို့နောက် အစ်ကို ဟူက အရှေ့ရပ်မှ လျှပ်ပြက်ခြင်းအကြောင်း အပျက်သဘောဆောင်သည့် ကျော်ကြားမှုအချို့အကြောင်းကို ပြောပြခဲ့သည်။ ကျွန်မ ကြားရလေလေ ပိုကြောက်လေလေ ဖြစ်လာခဲ့ပြီး ကျွန်မ အလွန်ထိတ်လန့်တုန်လှုပ်မိခဲ့သည်။ “ငါ ဘာလုပ်ရမလဲ။ ငါ ဘာလုပ်ရမလဲ” ဟု ကျွန်မ မရပ်မနား တွေးတောနေမိခဲ့သည်။ ထို့နောက်တွင်ပင် အစ်ကိုဟူက “အိမ်အမြန်ပြန်ပြီး နင့်အမေကို တကယ်ပဲ အရှေ့ရပ်မှ လျှပ်ပြက်ခြင်းကို သူ စယုံသွားပြီလားဆိုတာ မေးကြည့်။ ဒါပေမယ့် နင်မေးတဲ့အခါ ဘာမှမသိသလို ဟန်ဆောင်နော်။ အရင်ဆုံး သူပြောမယ့်အရာကို နားထောင်၊ ပြီးရင် နင်တို့ ဆွေးနွေးတာ အသံသွင်းထားတာကို ငါ့ကို ပေး” ဟု ပြောလေသည်။ ကျွန်မ အမေ လမ်းလွဲသွားမည်စိုးသောကြောင့် ကျွန်မ သဘောတူခဲ့ပါသည်။

ကျွန်မအမေနှင့် ကျွန်မ စကားများသည်

ထိုကဲ့သို့ပင် ကျွန်မ အိမ်ကို ပြန်ရောက်ပြီး မရှေးမနှောင်းပင် ကျွန်မအမေက သခင်ယေရှုသည် အနန္တတန်ခိုးရှင် ဘုရားသခင်အဖြစ် ပြန်ကြွလာပြီဖြစ်ကြောင်းနှင့် နောက်ဆုံးသော ကာလတွင် အနန္တတန်ခိုးရှင် ဘုရားသခင်သည် နှုတ်ကပတ်တော်များစွာကို ဖော်ပြနေခဲ့ပြီး လူသားကို သန့်စင်ကာ ပြောင်းလဲဖို့ရန်နှင့် လူသားကို အပြစ်တရား၏ ချည်နှောင်မှုများမှ လုံးဝကယ်တင်ဖို့ရန်အလို့ငှာ ဘုရားအိမ်တော်မှ အစပြုသော တရားစီရင်ခြင်း အမှုတော်ကို ဆောင်ရွက်နေခဲ့ကြောင်း ကျွန်မကို ပြောပြလေသည်။ ဤသည်မှာ လူသားမျိုးနွယ်ကို ကယ်တင်ဖို့ ဘုရားသခင့် အမှုတော်၏ နောက်ဆုံးအဆင့်ဖြစ်ပြီး အကယ်၍ ကျွန်မတို့ ထိုအရာနှင့် လွဲလျှင် ကယ်တင်ခံရဖို့ရန် အခြားသော အခွင့်အရေး ရှိလိမ့်မည်မဟုတ်ဟု သူမက ဆက်ပြောခဲ့သည်။ ကျွန်မအနေဖြင့် နောက်ဆုံးသော ကာလ ဘုရားသခင်၏ အမှုတော်ကို မြန်မြန်လေ့လာဖို့ရန်နှင့် အနန္တတန်ခိုးရှင် ဘုရားသခင် အသင်းတော် ဝတ်ပြုအစည်းအဝေးကို တက်ဖို့ရန် မျှော်လင့်သည်ဟု သူမက ပြောလေသည်။ ဤအရာကို သူမ ပြောသည့်အချိန်တွင် အစ်ကိုဟူ ကျွန်မကို ပြောခဲ့သည့် အရှေ့ရပ်မှ လျှပ်ပြက်ခြင်းနှင့် ပတ်သက်သည့် အပျက်သဘောဆောင်သော သတင်းစကားကို ကျွန်မ ရုတ်တရက် တွေးမိခဲ့ပြီး ကျွန်မ အလွန်သဘောထားကွဲလွဲမှု ခံစားခဲ့ရသည်။ သို့သော် ကျွန်မတို့၏ အပြန်အလှန်ပြောဆိုမှုကို တိတ်တဆိတ်အသံသွင်းဖို့ရန်အလို့ငှာ ကျွန်မ ကိုယ့်ခံစားချက်များကို ချုပ်တည်းလိုက်ပြီး သူပြောတာကို ဆက်လက်နားထောင်ခဲ့ပါသည်။

နောက်နေ့တွင် ကျွန်မအမေက အနန္တတန်ခိုးရှင် ဘုရားသခင် အသင်းတော်မှ လူများနှင့် ဝတ်ပြုအစည်းအဝေးအတွက် အွန်လိုင်းတက်ဖို့ရန် ကျွန်မကို ခိုင်းခဲ့သော်လည်း ကျွန်မ ချက်ချင်း စကားဖြတ်ပြောလိုက်ပြီး “အမေ၊ သူတို့ရဲ့ ဝတ်ပြုအစည်းအဝေးကို သမီး မတက်ချင်ပါဘူး။ ပြီးတော့ အမေလည်း နောက်ထပ် အဲဒါတွေကို မတက်သင့်ဘူး။ အမေ့ကြည့်ရတာ သူတို့အပေါ် ပိုပိုပြီး ယိုင်လာသလိုပဲ” ဟု ပြောလိုက်သည်။ ကျွန်မအမေက ညင်သာစွာဖြင့် “အနန္တတန်ခိုးရှင် ဘုရားသခင် အသင်းတော်က ညီအစ်ကို မောင်နှမတွေနဲ့ ဝတ်ပြုအစည်းအဝေးတွေ၊ မိတ်သဟာယပြုတာတွေကို အမေ တက်နေခဲ့ကတည်းက ကျမ်းစာထဲက ဘုရားသခင်ရဲ့ နှုတ်ကပတ်တော်တွေကို အသစ်သော သတိပြုဆင်ခြင်မှုနဲ့ နားလည်သဘောပေါက်မှုတွေ ရှိလာခဲ့တယ်။ ပြီးတော့ သူတို့ရဲ့ မိတ်သဟာယတွေက သိမြင်မှုနဲ့ ပြည့်နေပြီး သန့်ရှင်းသော ဝိညာဉ်တော်ရဲ့ ဉာဏ်အလင်းပေးခြင်းကနေ ပေါ်ပေါက်လာတယ်ဆိုတာ အမေ့ စိတ်နှလုံးထဲမှာ သေချာခံစားရတယ်။ ဒါ့အပြင် အနန္တတန်ခိုးရှင် ဘုရားသခင်ရဲ့ နှုတ်ကပတ်တော်တွေက အမေ မရှင်းမလင်းဖြစ်ခဲ့တဲ့ အရာတွေအများကြီးကို ဖြေရှင်းပေးခဲ့တယ်။ အနန္တတန်ခိုးရှင် ဘုရားသခင် အသင်းတော်က တကယ်ကို သန့်ရှင်းသော ဝိညာဉ်တော်ရဲ့ လုပ်ဆောင်ချက်ရှိပြီး အနန္တတန်ခိုးရှင် ဘုရားသခင် ဖော်ပြတဲ့ နှုတ်ကပတ်တော်တွေက သမ္မာတရားဖြစ်တယ်ဆိုတာ အခု အမေ လုံးဝ သေချာသွားပြီ” ဟု ဆိုလေသည်။ ထိုအချိန်အထိ ကျွန်မ၏ စိတ်မှာ အရှေ့အရပ်မှ လျှပ်ပြက်ခြင်းနှင့် ပတ်သက်သည့် အယူအဆများဖြင့် ပြည့်နေခဲ့ပြီး ကျွန်မ အမေပြောသမျှကို ကျွန်မ ယတိပြတ် လက်မခံခဲ့ပါ။ နောက်ပိုင်းတွင် အစ်ကို ဟူ ကျွန်မကို ပြောခဲ့သည့် အရှေ့အရပ်မှ လျှပ်ပြက်ခြင်းအကြောင်း အပျက်သဘောဆောင်သည့် သတင်းစကားကို ကျွန်မ အမေကို ပြဖို့ ကျွန်မ အွန်လိုင်းတက်ခဲ့ပြီး ကျွန်မက “အမေ မြင်လား။ ဒီမှာ အွန်လိုင်းမှာ ရှင်းရှင်းလင်းလင်း ပြောထားတယ်။ ပြီးတော့ သမီးတို့ရဲ့ သင်းအုပ်ဆရာကလည်း အရှေ့ရပ်မှ လျှပ်ပြက်ခြင်းကို မလေ့လာဖို့ သမီးတို့ကို မကြာခဏ ပြောတယ်။ ခုချိန်ကစပြီး သူတို့နဲ့ ပတ်သက်စရာအကြောင်းမရှိတော့ဘူးလို့ သမီးကို ကျေးဇူးပြုပြီး ပြောပေးပါ” ဟု ပြောခဲ့ပါသည်။

ကျွန်မ အမေသည် အွန်လိုင်းပေါ်က အပျက်သဘောဆောင်သော သတင်းစကားကို မကြည့်ခဲ့ဘဲ ကျွန်မကို စိတ်ရှည်ရှည်ဖြင့် ဆက်လက်စကားပြောခဲ့ပြီး “သမီးလေး၊ တရုတ်ကွန်မြူနစ် အစိုးရက ဘုရားသခင်ရဲ့ ပေါ်ထွန်းခြင်းနဲ့ အမှုတော်ကို စက်ဆုပ်ရွံရှာပြီး ဘာသာရေး ယုံကြည်မှုရှိတဲ့ ဘယ်သူကိုမဆို အထင်အမြင်သေးတဲ့ ဘုရားမဲ့ အဖွဲ့အစည်းတစ်ခုပဲ။ တရုတ်နိုင်ငံမှာ ခရစ်ယာန်ဘာသာနဲ့ ကက်သလစ်အယူဝါဒကို အစွန်းရောက်ဂိုဏ်းတွေအဖြစ် စီစီပီက ရှုတ်ချတယ်။ ပြီးတော့ သမ္မာကျမ်းစာဟာလည်း မရေမတွက်နိုင်တဲ့ မိတ္ထူစာတွေ မီးရှို့ခံရ၊ ဖျက်ဆီးခံရပြီး အစွန်းရောက်စာအုပ်တစ်အုပ်အဖြစ် ရှုတ်ချခံရတယ်။ ပြီးတော့ အခုဆိုရင် တရုတ်ပြည်မှာ ရောင်းတာကိုတောင် တားမြစ်ပိတ်ပင်ခံရတယ်။ ခရစ်ယာန်တွေနဲ့ ကက်သလစ်တွေအများကြီး စီစီပီရဲ့ ဖမ်းဆီးတာ၊ နှိပ်စက်ညှင်းပန်းတာနဲ့ ထောင်ချတာ ခံခဲ့ရပြီးပြီ။ ပြီးတော့ တစ်ချို့က ကိုယ်လက်အင်္ဂါချို့တဲ့သွားအောင်တောင် လုပ်ခံရတယ် ဒါမှမဟုတ် အသတ်တောင် ခံရတယ်။ နိုင်ငံတကာ လူ့အခွင့်အရေး အဖွဲ့တွေနဲ့ အနောက်တိုင်း နိုင်ငံတွေက တရုတ်ကွန်မြူနစ် အစိုးရကို အကြိမ်များစွာ ပြင်းပြင်းထန်ထန် စွပ်စွဲရှုတ်ချခဲ့ကြတယ်။အဲဒီလို ဘုရားသခင်ကို ဆန့်ကျင်တဲ့ ဆိုးယုတ်တဲ့ အစိုးရဆီက စကားတွေကို သမီး တကယ်ရော ယုံနိုင်လား။ အဲဒါက ဘုရားသခင်ရဲ့ ပေါ်ထွန်းခြင်းနဲ့ အမှုတော်တွေကို အကဲဖြတ်ဖို့နဲ့ ရှုတ်ချဖို့ အရည်အချင်းမှီလို့လား။ ပြီးတော့ ဘာလို့ သင်းအုပ်ဆရာတွေနဲ့ အကြီးအကဲတွေက နောက်ဆုံးသော ကာလ ဘုရားသခင်ရဲ့ အမှုတော်ကို လေ့လာဖို့ အမေတို့ကို ခွင့်မပြုရတာလဲ။ သူတို့ရဲ့ လုပ်ရပ်တွေက သခင့်ရဲ့ သွန်သင်ချက်တွေနဲ့ ကိုက်ညီရဲ့လား။ သခင်ယေရှုက၊ “စိတ်နှလုံးနှိမ့်ချသောသူတို့သည် မင်္ဂလာရှိကြ၏။ အကြောင်းမူကား ကောင်းကင်နိုင်ငံတော်သည် ထိုသူတို့၏ နိုင်ငံဖြစ်၏။” (ရှင်မဿဲခရစ်ဝင် ၅:၃) လို့ ပြောခဲ့တယ်။ သခင့်နှုတ်ကပတ်တော်တွေကနေ တစ်ယောက်ယောက်က သခင့်ရဲ့ ပြန်ကြွလာခြင်းကို သက်သေခံနေတာကို အမေတို့ ကြားတဲ့အခါ တက်တက်ကြွကြွနဲ့ လေ့လာဆန်းစစ်တဲ့ သဘောထားကြီးတဲ့ ရှာဖွေသူတွေဖြစ်စေချင်တယ်ဆိုတာ အမေတို့ မြင်နိုင်တယ်။ အဲဒီနောက်မှပဲ သခင့်ရဲ့ ပြန်ကြွလာခြင်းကို အမေတို့ ကြိုဆိုနိုင်မှာမို့လို့ပဲ။ အမေ့ ချစ်သမီးလေး၊ သခင့်ကို အမေတို့ ယုံကြည်ကြတဲ့အတွက် ဘာလို့ သခင့်စကားတွေကို အရေးမစိုက်ဘဲ အဲဒီအစား တခြားလူတွေ ပြောတာကို နားထောင်ကြတာလဲ။ သင်းအုပ်ဆရာ ပြောတာကို အမေတို့ ယုံကြည်ပြီး မတုန်မလှုပ်ဖြစ်လာပြီး သတိထားနေကြရင်၊ ပြီးတော့ အဲဒီ ဆိုးယုတ်တဲ့ အစိုးရ ထုတ်ပြန်တဲ့ အပျက်သဘောဆောင်တဲ့ သတင်းစကားကို ယုံကြည်တယ်ဆိုရင် အဲဒါက သခင့်အလိုတော်နဲ့ ကိုက်ညီရဲ့လား။ အဲဒါကို လုပ်ဆောင်ခြင်းအားဖြင့် သခင့်နှုတ်ကပတ်တော်တွေကို အမေတို့ ဆန့်ကျင်သွားနေကြတာ မဟုတ်လား။ ယေရှု အချိန်ကာလတုန်းက ဂျူးလူမျိုး ယုံကြည်သူတွေဟာ သခင့်ရဲ့ ဧဝံဂေလိတရားကို မရှာဖွေ ဒါမှမဟုတ် မလေ့လာ ခဲ့ကြဘဲ အဲဒီအစား သခင့်အကြောင်း ဖာရိရှဲတွေ လုပ်ကြံပြောဆိုခဲ့ကြတဲ့ ကောလဟလတွေကို မမြင်မကန်း ယုံကြည်ခဲ့ကြတယ်။ ဒါကြောင့် သခင်ယေရှုကို သူတို့ အာခံပြီး ရှုတ်ချခဲ့ကြသလို နောက်ဆုံးမှာ သူ့ကို ကားတိုင်ပေါ် ကားစင်တင်သတ်ခဲ့ကြပြီး ဒီလိုနဲ့ ဘုရားသခင်ရဲ့ ပြစ်ဒဏ်ပေးတာကို သူတို့ ခံခဲ့ကြရတယ်လေ။ ဘုရားသခင်ကို ယုံကြည်သူတွေအနေနဲ့ ဂျူးလူမျိုးတွေရဲ့ ကျရှုံးမှု သင်ခန်းစာကို အမေတို့ သင်ယူရမှာဖြစ်ပြီး သခင့်ကို ကြိုဆိုဖို့ အခွင့်အရေး လွဲချော်တာမဖြစ်အောင် ရှောင်ရမယ်။ ဒါကို ဗျာဒိတ်ကျမ်းထဲမှာ အကြိမ်အများကြီး ပရောဖက်ပြုထားတယ်။ “ဝိညာဉ်တော်သည် အသင်းတော်တို့အား အဘယ်သို့ မိန့်တော်မူသည်ကို၊ နားရှိသောသူ မည်သည် ကားကြားပါစေ။” (ဗျာဒိတ်ကျမ်း ၂၊ ၃) ဒီကျမ်းချက်ကနေ သခင်ပြန်ကြွလာတဲ့အခါ နောက်ထပ် နှုတ်ကပတ်တော်တွေကို သူပြောလိမ့်မယ်။ ပြီးတော့ သူ့ရဲ့ ပြန်ကြွလာခြင်းကို အမေတို့ ကြိုဆိုချင်တယ်ဆိုရင် ဘုရားသခင်ရဲ့ အသံတော်ကို နားထောင်ဖို့ အမေတို့ သင်ယူကြရမယ်။ အနန္တတန်ခိုးရှင် ဘုရားသခင်ရဲ့ နှုတ်ကပတ်တော်တွေကို ဖတ်ရှုခြင်းနဲ့ လေ့လာဆန်းစစ်ခြင်းအားဖြင့်ပဲ။ အဲဒါတွေက ဘုရားရဲ့ အသံတော် ဟုတ်၊ မဟုတ် ဆိုတာကို သမီးသိလိမ့်မယ်”ဟု ပြောပါသည်။ သူမ၏ စကားစကို ပြောရင်းဖြင့် “နောက်ဆုံးသောကာလ ခရစ်တော်၏ မြွက်ဆိုချက်များ” ဟု ခေါင်းစဉ်တပ်ထားသည့် စာအုပ်တစ်အုပ်ကို ကောက်ယူလိုက်ပြီး ကျွန်မကို လက်ကမ်းပေးလိုက်ပါသည်။

သူ့လက်ထဲရှိ စာအုပ်ကို ကျွန်မ ကြည့်လိုက်ပြီး မယူခဲ့ပါ။ အဘယ်ကြောင့်ဆိုသော် သူပြောနေသည့်အရာကို ကျွန်မ လက်မခံနိုင်သေးသောကြောင့် ဖြစ်ပြီး ကျွန်မက “သမီး အဲဒါကို မဖတ်ချင်ဘူး” ဟုသာ ပြောလိုက်သည်။ ထို့နောက် လှည့်ပြီး ကျွန်မ အိပ်ခန်းဆီ သွားခဲ့လိုက်ပါသည်။

ကျွန်မ သဘောထားကွဲလွဲခဲ့သည့်အချိန်တွင် သခင့်အလိုတော်ကို ကျွန်မ ရှာဖွေခဲ့သည်

ကျွန်မ၏ စာရေးခုံပေါ် ထိုင်နေရင်းဖြင့် ကျွန်မသည် စိတ်ကိုငြိမ်သက်စေလိုက်ပြီး ကျွန်မ အမေပြောခဲ့သည့် အရာကို စဉ်းစားခဲ့သည်။ ကျွန်မသည် ကိုယ့်ကိုယ်ကိုယ် “အမေပြောတဲ့အရာက တကယ်တော့ မမှားပါဘူးလေ။ အရှေ့ရပ်မှ လျှပ်ပြက်ခြင်းက သခင်ပြန်ကြွလာပြီလို့ သက်သေခံတယ်။ ဒါပေမယ့် သင်းအုပ်ဆရာ ပြောတဲ့အရာကိုပဲ ငါ မမြင်မကန်းနဲ့ ယုံကြည်ခဲ့ပြီး အနန္တတန်ခိုးရှင် ဘုရားသခင် ဖော်ပြတဲ့ နှုတ်ကပတ်တော်တွေကို ဖတ်တောင်မဖတ်ဘဲ အရှေ့ရပ်မှ လျှပ်ပြက်ခြင်းအကြောင်း တရုတ်ကွန်မြူနစ် အစိုးရ ထုတ်ပြန်တဲ့ အပျက်သဘောဆောင်တဲ့ သတင်းစကားကို ယုံကြည်ခဲ့တယ်။ ပြီးတော့ အခု ဒါက ငါ့ဖက်ကနေ ထင်ရာမြင်ရာ ဆုံးဖြတ်ချက်တစ်ခု ဖြစ်ပုံရတယ်။ အနန္တတန်ခိုးရှင် ဘုရားသခင်က တကယ်ပဲ ပြန်ကြွလာတဲ့ သခင်ယေရှုဖြစ်ပြီး ငါက သူ့ကို လက်ခံဖို့ ငြင်းတယ်ဆိုရင် သခင့်ကို ကြိုဆိုမယ့် ငါ့အခွင့်အရေးကို ငါ လွဲချော်ရမှာပဲ။ ဒါပေမယ့် သင်းအုပ်ဆရာတွေက နောက်ဆုံးသော ကာလမှာ ခရစ်တော်ရဲ့ အယောင်ကို ဆောင်တဲ့သူတွေ ပေါ်လာမယ်လို့ ငါတို့ကို အမြဲဟောတယ်။ ပြီးတော့ ငါက လမ်းလွဲသွားရင် သခင့်ကို ငါယုံကြည်တာ အားလုံးက အချည်းနှီး ဖြစ်မသွားဘူးလား” ဟု တွေးမိခဲ့သည်။ ကျွန်မ၏ စိတ်နှလုံးက ရှေ့နောက် လှုပ်ယမ်းနေခဲ့ပြီး မည်သူ့ကို ယုံကြည်ရမှန်း ကျွန်မ မသိခဲ့ပါ။ ထို့ကြောင့် ကျွန်မ သခင့်အပေါ် တောင်းလျှောက်ခဲ့ပါသည်။ “အို သခင်၊ ကိုယ်တော့်ရဲ့ ပြန်ကြွလာခြင်းအတွက် ကျွန်မ အမြဲ တမ်းတခဲ့ပါတယ်။ ဒါပေမယ့် နောက်ဆုံးသော ကာလမှာ ပေါ်လာတဲ့ ခရစ်တော်ရဲ့ အယောင်ကို ဆောင်သူတွေရဲ့ လှည့်ဖြားခံရမှာကို အခု ကျွန်မ စိုးရွံ့မိပါတယ်။ အို သခင်၊ အရှေ့ရပ်မှ လျှပ်ပြက်ခြင်းဆီက လူတွေက ကိုယ်တော် ပြန်ကြွလာပြီးပြီလို့ အခု သက်သေခံနေကြပါတယ်။ ဒါကြောင့် ကိုယ်တော်ဟာ အနန္တတန်ခိုးရှင် ဘုရားသခင်အဖြစ် အမှန်တကယ် ပြန်ကြွလာပြီးပြီဆိုရင် ကျွန်မကို ကိုယ်တော် ဉာဏ်အလင်းပေးပြီး ဦးဆောင်လမ်းပြဖို့နဲ့ ကိုယ်တော်ရဲ့ အသံတော်ကို သတိပြုမိအောင် ကျွန်မကို အခွင့်ပေးဖို့ တောင်းလျှောက်ပါတယ်။”

နောက်တစ်နေ့တွင်၊ ကျွန်မ၏ အမေက သူ၏ ဝတ်ပြုအစည်းအဝေးတစ်ခုကို တက်ရောက်ဖို့ ကျွန်မကို တစ်ဖန်တိုက်တွန်းပြန်သည်။ အတော်အတန် တုန့်ဆိုင်းနေပြီးနောက် ကျွန်မသည် အွန်လိုင်းဖွင့်ပြီး သူတို့ ပြောဖို့ရှိသည့်အရာကို နားထောင်ဖို့ ဆုံးဖြတ်ခဲ့ပါသည်။

ဝတ်ပြုအစည်းအဝေး စလိုက်သည့်အချိန်တွင် ကျွန်မ အလွန်စိတ်အနှောင့်အယှက်ဖြစ်ခဲ့ပြီး ညီအစ်ကို မောင်နှများ မိတ်သဟာယပြုနေကြသည့်အရာကို အမှန်တကယ နားထောင်ခြင်းမရှိပါ။ နောက်ပိုင်းတွင် အစ်ကို ကျန်းက လူသားမျိုးနွယ်ကို ကယ်တင်ဖို့ ဘုရားသခင်၏ စီမံခန့်ခွဲမှု အစီအစဉ်၊ ဘုရားသခင်၏ အမှုတော် အဆင့်သုံးဆင့်၏ နက်နဲမှုအပြင် နောက်ဆုံးသော ကာလတွင် ဘုရားသခင် ဆောင်ရွက်သော တရားစီရင်ခြင်း အမှုတော်ကဲ့သို့သော သမ္မာတရား ရှုထောင့်များအကြောင်းကို မိတ်သဟာယ ပြုပေးခဲ့ပါသည်။ ကျွန်မ၏ စိတ်နှလုံးက စိတ်ဝင်စားသွားပြီး ပိုနားထောင်လေလေ၊ ပိုဆန်းသစ်ပြီး သစ်လွင်လေလေ ခံစားခဲ့ရသည်။ ယခင်က ကျမ်းစာသင်တန်းများကို ကျွန်မ တက်ခဲ့ဖူးသော်လည်း တရားဟောဆရာက ဘုရားသခင် ဆောင်ရွက်သည့် နိမိတ်လက္ခဏာများကို ဖော်ပြခြင်းဖြင့် ဘုရားအမှုတော်၏ အံ့ဖွယ်သဘောသဘာဝအကြောင်း၊ သို့မဟုတ် အတိတ်က သန့်ရှင်းသူတို့သည် ဘုရားသခင်၏ စေခိုင်းမှုများကို ပြီးမြောက်ရန် ဘုရားသခင်ကို မည်သို့နာခံခဲ့ကြသည်၊ စသဖြင့်တို့ကိုသာ ပြောဆိုခဲ့သည်။ သူသည် လူသားမျိုးနွယ်ကို ကယ်တင်ရန် ဘုရားသခင်၏ စီမံခန့်ခွဲမှု အစီအစဉ်အကြောင်း တစ်ခုတစ်လေမျှ တစ်ကြိမ်မျှပင် မဖော်ပြခဲ့ပါ။ အစ်ကို ကျန်း၏ မိတ်သဟာယက လူသားမျိုးနွယ်ကို စီမံခန့်ခွဲရန် ဘုရားသခင်၏ အမှုတော်အကြောင်း သိနားလည်မှုအချို့ကို ရရှိခွင့်ပေးခဲ့ပြီး သူပြောသမျှသည် အရင်က ကျမ်းစာကို နှစ်များစွာ ဖတ်ရှုခဲ့သော်လည်း ကျွန်မ လုံးဝနားမလည်ခဲ့သည့် အရာများ ဖြစ်သည်။ ဝတ်ပြုအစည်းအဝေး ပြီးသွားသည့်အခါ ကျွန်မစိတ်ကို ကျွန်မ ပြောင်းလဲခဲ့ပါသည်။ ကျွန်မသည် အနန္တတန်ခိုးရှင် ဘုရားသခင်၏ အမှုတော်ကို အရင်ဆုံး လေ့လာဆန်းစစ်မည်၊ ပြီးလျှင် ကျွန်မ အမေနှင့် အပြန်အလှန်ပြောဆိုမှု အသံသွင်းထားသည်ကို ဖျက်လိုက်မည်ဟု ဆုံးဖြတ်ခဲ့ပါသည်။

ပညာသတိရှိသော သတို့သမီးတို့သည် ဘုရားသခင်၏ အသံတော်ကို ကြားကြသည်

တတိယနေ့ ကျွန်မတို့ ဝတ်ပြုအစည်းအဝေးအတွင်းတွင် ပညာသတိရှိသော သတို့သမီးများနှင့် မိုက်မဲသော သတို့သမီးတို့ကြား ခြားနားချက်အကြောင်းကို ကျွန်မတို့ ဆွေးနွေးခဲ့ကြသည်။ အစ်ကို ကျန်းက၊ “ပညာသတိရှိတဲ့ သတို့သမီးတွေက ဘုရားသခင်ရဲ့ ပေါ်ထွန်းခြင်းကို တမ်းတကြပြီး ဘုရားသခင်ရဲ့ အသံတော်ကို ဘယ်လိုနားထောင်ရမယ်ဆိုတာ သိကြတဲ့အတွက် ပညာရှိတာဖြစ်တယ်။ သူတို့က ဉာဏ်ရှိကြပြီး အရည်အချင်း ပိုင်ဆိုင်ကြတယ်။ ပြီးတော့ သူတို့က သမ္မာတရားကို ချစ်ပြီး ရှာဖွေကြသူတွေပဲ။ အကျိုးဆက်အနေနဲ့ သခင်ကြွလာပြီဆိုတဲ့ သတင်းကို သူတို့ကြားကြတဲ့အခါ သူတို့ တက်တက်ကြွကြွ ရှာဖို့သွားကြပြီး သူ့အကြောင်းကို ရှာဖွေကြတယ်။ ပြီးတော့ ဒီလိုလူတွေက ခရစ်တော်ရဲ့ အယောင်ကိုဆောင်တဲ့သူတွေရဲ့ လှည့်ဖြားတာကို မခံရနိုင်ဘူး။ မိုက်မဲတဲ့ သတို့သမီးတွေက သမ္မာတရားကို မချစ်ကြဘူး။ ဘုရားသခင်ရဲ့ အသံတော်ကို နားထောင်ဖို့ သူတို့ အာရုံမစိုက်ကြသလို ဘယ်လိုနားထောင်ရမယ်ဆိုတာလည်း မသိကြဘူး။ သူတို့က စိတ်ရှုတ်ထွေးနေကြပြီး သိမြင်မှုမရှိကြဘူး။ ပြီးတော့ သခင့်ရဲ့ ကြွလာခြင်းနဲ့ ပတ်သက်ပြီး သူတို့က ဘုရားရဲ့ အမှုတော်ကို အာခံပြီး ရှုတ်ချဖို့ သူတို့ကိုယ်ပိုင် အယူအဆတွေနဲ့ စိတ်ကူးတွေကိုပဲ ဖက်တွယ်ကြတယ်။ ဥပမာအနေနဲ့၊ ညီအစ်ကို မောင်နှမအချို့က ကိုယ်တော့်ကို သူတို့ ယုံကြည်ခြင်းမှာ သခင့်ရဲ့ နှုတ်ကပတ်တော်တွေကို နားထောင်ဖို့ အာရုံမစိုက်ကြဘူး။ အဲဒီအစား သင်းအုပ်ဆရာတွေနဲ့ အကြီးအကဲတွေ ပြောတာကို ယုံကြတယ်။ သင်းအုပ်ဆရာတွေနဲ့ အကြီးအကဲတွေ ဘာပဲပြောပါစေ၊ အဲဒါ သူတို့ ယုံကြည်တဲ့အရာဖြစ်တယ်။ သူတို့က သခင့်ကို နာမည်အနေနဲ့ပဲ ယုံကြည်ကြပေမယ့် အမှန်မှာတော့ သူတို့က သင်းအုပ်ဆရာတွေနဲ့ အကြီးအကဲတွေကို နာခံကြတယ်။ နောက်ပြီး ခရစ်တော်ရဲ့ အယောင်ကို ဆောင်တဲ့သူတွေကို သတိထားခြင်းအပေါ်ကိုသာ အဓိကအာရုံစိုက်ကြတဲ့ ညီအစ်ကို မောင်နှမအချို့ရှိပြီး၊ သူတို့က သခင့်ရဲ့ ပြန်ကြွလာခြင်း သတင်းကို တစ်ယောက်ယောက် ဖြန့်တာကို ကြားကြတဲ့အချိန်မှာတောင် မရှာဖွေသလို၊ လေ့လာမဆန်းစစ်ကြဘူး။ဒါက အစာနင်မှာစိုးလို့ မစားတာနဲ့ တူမနေဘူးလား။ ဒီလိုလူတွေက သခင့်ရဲ့ ပြန်ကြွလာခြင်းကို ကြိုဆိုနိုင်စွမ်းရှိကြလား။”

အစ်ကို ကျန်း၏ စကားများက ရုတ်တရက် ကျွန်မကို ပြန်အမှတ်ရစေပြီး၊ ကျွန်မက၊ “အဲဒါ မှန်တယ်။ ငါ သင်းအုပ်ဆရာပြောတာကို ဒီလောက်အချိန်အကြာကြီး ငါ နားထောင်ပြီးပြီ။ ပြီးတော့ နောက်ဆုံးသော ကာလ ဘုရားသခင်ရဲ့ အမှုတော်ကို ငါ မလေ့လာခဲ့ဘူး။ အနန္တတန်ခိုးရှင် ဘုရားသခင်ဟာ တကယ်ပဲ ပြန်ကြွလာတဲ့ သခင်ယေရှုဆိုရင်၊ အဲဒါက ငါ့ကို ဖော်ထုတ်ခံရတဲ့ မိုက်မဲတဲ့ သတို့သမီးတစ်ယောက် မဖြစ်စေဘူးလား။ သခင်ယေရှုက၊ “တောင်းကြလော့။ တောင်းလျှင်ရမည်။ ရှာကြလော့။ ရှာလျှင်တွေ့မည်။ တံခါးကိုခေါက်ကြလော့။ ခေါက်လျှင်ဖွင့်မည်။” (ရှင်မဿဲခရစ်ဝင် ၇:၇) လို့ ပြောခဲ့တယ်။ သခင့်ကို ကြိုဆိုဖို့ ငါ အမြဲ စောင့်မျှော်ခဲ့တယ်။ ပြီးတော့ အခု အနန္တတန်ခိုးရှင် ဘုရားသခင် အသင်းတော်က သခင်ပြန်ကြွလာပြီလို့ သက်သေခံနေကြတယ်။ ငါ ပညာသတိရှိတဲ့ သတို့သမီးဖြစ်သင့်ပြီး နောက်ဆုံးသော ကာလ အနန္တတန်ခိုးရှင် ဘုရားသခင်ရဲ့ အမှုတော်ကို ရှာဖွေပြီး လေ့လာဆန်းစစ်သင့်တယ်။ ဘာလို့လဲဆိုတော့ အဲဒါကသာ ဘုရားအလိုတော်နဲ့ ကိုက်ညီလို့ပဲ” ဟု တွေးခဲ့ပါသည်။ ထို့ကြောင့်၊ ကျွန်မသည် နောက်ဆုံးသော ကာလ ဘုရားသခင်၏ အမှုတော်ကို ဆက်လက်လေ့လာဆန်းစစ်ရန် ဆုံးဖြတ်ခဲ့သည်။

စစ်မှန်သော ခရစ်တော်နှင့် ခရစ်တော်၏ အယောင်ကို ဆောင်သောသူတို့ကြား သိမြင်ရန်နည်းလမ်း

နောက်နေ့ ဝတ်ပြုအစည်းအဝေးတွင် ကျွန်မက “အစ်ကို၊ ပညာသတိရှိတဲ့ သတို့သမီးဖြစ်ဖို့ အဓိကသော့ချက်က ဘုရားသခင်ရဲ့ အသံတော်ကို နားထောင်ခြင်းအပေါ် အာရုံစိုက်ဖို့ဖြစ်တယ်လို့ မနေ့က အစ်ကို မိတ်သဟာယပြုခဲ့တယ်။ ကျွန်မအနေနဲ့ အခု နောက်ဆုံးသော ကာလ ဘုရားသခင်ရဲ့ အမှုတော်ကို လေ့လာဆန်းစစ်ဖို့ လိုက်လျှောက်ရမယ့် လမ်းကြောင်းတစ်ခု ရှိပြီလို့ ခံစားရတယ်။ ဒါပေမယ့် ကျွန်မရဲ့ သင်းအုပ်ဆရာက သူ့ရဲ့ ဒေသနာတွေမှာ လူတွေကို လှည့်ဖြားဖို့ ခရစ်တော်ရဲ့ အယောင်ဆောင်တဲ့သူတွေ ပေါ်လိမ့်မယ်လို့ မကြာခဏ ပြောတယ်။ ဒီတော့ စစ်မှန်တဲ့ ခရစ်တော်နဲ့ ခရစ်တော်ရဲ့အယောင်ကို ဆောင်တဲ့သူတွေကြား ဘယ်လို ကျွန်မတို့ သိမြင်သင့်သလဲ။ ဒီသမ္မာတရားရှုထောင့်ကို ကျွန်မ နားမလည်ဘူး။ ဒါကြောင့် အစ်ကို ကျွန်မကို ဒီအကြောင်း မိတ်သဟာယပြုပေးနိုင်မလားလို့ သိချင်နေတာ” ဟု မေးလိုက်သည်။

အစ်ကို ကျန်းက၊ “ညီမမေးလိုက်တဲ့ ဒီမေးခွန်းက အစ်ကိုတို့ သခင့်ရဲ့ ပြန်ကြွလာခြင်းကို ကြိုဆိုနိုင်မလား၊ မကြိုဆိုနိုင်ဘူးလား ဆိုတာနဲ့ တိုက်ရိုက် ဆက်နွယ်တဲ့အတွက် အရေးပါလှပါတယ်။ စစ်မှန်တဲ့ ခရစ်တော်နဲ့ ခရစ်တော်ရဲ့ အယောင်ကို ဆောင်တဲ့သူတွေကြား သိမြင်မှုအကြောင်း သမ္မာတရားကို အစ်ကိုတို့ နားလည်သဘောပေါက်နိုင်သရွေ့၊ ခရစ်တော်ရဲ့ အယောင်ကိုဆောင်တဲ့သူက ခရစ်တော်ကို ဘယ်လိုပဲ တူအောင်တုပါလေ့စေ၊ သူတို့ရဲ့ လှည့်ဖြားတာကို အစ်ကိုတို့ မခံရဘဲဆက်နေနိုင်မှာဖြစ်ပါတယ်။ စစ်မှန်တဲ့ ခရစ်တော်နဲ့ ခရစ်တော်ရဲ့ အယောင်ကို ဆောင်တဲ့သူတွေကြား ဘယ်လိုခွဲခြားသိမြင်ရမယ်ဆိုတာနဲ့ ပတ်သက်ပြီး သခင်ယေရှုက၊ “ထိုအခါ သူတပါးက ဤအရပ်၌ ခရစ်တော်ရှိသည်၊ ထိုအရပ်၌ရှိသည်ဟု ဆိုသော်လည်းမယုံကြနှင့်။ အကြောင်းမူကား၊ ခရစ်တော်၏ အယောင်ကိုဆောင်သောသူနှင့် မိစ္ဆာပရောဖက်တို့သည် ပေါ်လာ၍ ရွေးချယ်သောသူ တို့ကိုပင် လှည့်ဖြားနိုင်လျှင် လှည့်ဖြားလောက်အောင် ကြီးစွာသောနိမိတ်လက္ခဏာ၊ အံ့ဘွယ် သောအမှုတို့ကို ပြကြလိမ့်မည်။” (ရှင်မဿဲခရစ်ဝင် ၂၄:၂၃-၂၄) သခင့်နှုတ်ကပတ်တော်က နောက်ဆုံးသော ကာလ ခရစ်တော်ရဲ့ အယောင်ကို ဆောင်တဲ့သူတွေဟာ လူတွေကို လှည့်ဖြားဖို့ နိမိတ်လက္ခဏာ နဲ့ အံ့ဖွယ်တွေကို အများဆုံးအသုံးပြုမယ်လို့ ရှင်းရှင်းလင်းလင်း ပြောပါတယ်။ ခရစ်တော်ရဲ့ အယောင်ကိုဆောင်တဲ့သူတွေက သမ္မာတရား ကင်းမဲ့ကြပြီး သူတို့ရဲ့ အနှစ်သာရက ဝိညာဉ်ဆိုးတွေနဲ့ နတ်ဆိုးတွေနဲ့ဆိုင်တဲ့အရာ ဖြစ်တာကြောင့်၊ သူတို့ဟာ ဘုရားရဲ့ ပြီးခဲ့တဲ့ အမှုတော်ကိုပဲ တုပနိုင်ကြပြီး ရိုးရှင်းတဲ့ နမိတ်လက္ခဏာတွေနဲ့ အံ့ဖွယ်ရာအချို့ကို ဆောင်ရွက်နိုင်တယ်၊ ဒါမှမဟုတ် လေးနက်တဲ့ သီအိုရီတွေနဲ့ လူတွေကို ရှုတ်ထွေးစေဖို့ ကျမ်းစာကို တလွဲအနက်ပြန်ကြတယ်။ ခရစ်တော်ပဲ သမ္မာတရား၊ လမ်းခရီးနဲ့ အသက်ဖြစ်ပါတယ်။ ပြီးတော့ သူသာ သမ္မာတရားကို ဖော်ပြနိုင်ပြီး လမ်းခရီးကို ပြနိုင်သလို အစ်ကိုတို့ကို အသက် ပေးနိုင်ပါတယ်။ သူတို့ကိုယ်သူတို့ ခရစ်တော်လို့ ခေါ်ပေမယ့် သမ္မာတရား၊ လမ်းခရီး ဒါမှမဟုတ် အသက်တို့ကို မဖော်ပြနိုင်တဲ့သူတွေအားလုံးက သေချာပေါက် ခရစ်တော်ရဲ့ အယောင်ကိုဆောင်တဲ့သူတွေဖြစ်ပြီး ဟန်ဆောင်သူတွေဖြစ်တယ်။ ဒါက ခရစ်တော်ရဲ့ အယောင်ကို ဆောင်တဲ့သူတွေကို အခြေခံကျကျ ခွဲခြားမှုကို အစ်ကိုတို့ ပိုင်ဆိုင်နိုင်တဲ့ အခြေခံသဘောတရားဖြစ်တယ်။”

အစ်ကို၏ မိတ်သဟာယကို နားထောင်ပြီးသည့်နောက်၊ ဤကျမ်းချက်ကို ကျွန်မ ဂရုတစိုက် နောက်တစ်ဖန်ဖတ်ရှုကြည့်သည်။ ထို့နောက်တွင် ရုတ်တရက် အရာအားလုံး ရှင်းသွားခဲ့သည်။“ဟုတ်တယ်။ ခရစ်တော်ရဲ့ အယောင်ကို ဆောင်တဲ့သူတွေက လူတွေကို လှည့်ဖြားဖို့ ကြီးမားတဲ့ နမိတ်လက္ခဏာတွေနဲ့ အံ့ဖွယ်ရာတွေကို ဆောင်ရွက်မယ်လို့ ကျမ်းစာထဲမှာ သေချာပြောထားတာပဲ။ ဒီတော့ ကျမ်းစာကို နှောကျေနေကြတဲ့ အဲဒီသင်းအုပ်ဆရာတွေက ခရစ်တော်ရဲ့ အယောင်ကိုဆောင်တဲ့သူတွေကို ခွဲခြားသိမြင်နိုင်မယ့် ဒီအခြေခံသဘောတရားကို ဘယ်လိုဖြစ်ပြီး မမြင်ခဲ့ကြတာလဲ။”

ထို့နောက် အစ်ကိုကျန်းက အနန္တတန်ခိုးရှင် ဘုရားသခင်၏ ကျမ်းပိုဒ်တစ်ပိုဒ်ကို ပို့ပေးခဲ့သည်- “မျက်မှောက်ခေတ်အတွင်းတွင် နိမိတ်လက္ခဏာများနှင့် အံ့သြဖွယ်အမှုများကို ပြသနိုင်သကဲ့သို့၊ နတ်ဆိုးများကိုလည်း နှင်ထုတ်နိုင်ပြီး၊ မကျန်းမာသူများကိုလည်း အနာငြိမ်းစေနိုင်ကာ နိမိတ်လက္ခဏာများစွာ ဆောင်ရွက်နိုင်သည့် လူတစ်ဦး ထွက်ပေါ်လာပါက၊ ဤလူက ၎င်းသည် ကြွလာပြီဖြစ်သော ယေရှုဖြစ်သည်ဟုဆိုလျှင်၊ ဤသည်မှာ ယေရှုကို အတုခိုးသည့် နတ်ဆိုးများက ဖြစ်ပေါ်စေသည့် အတုတစ်ယောက် ဖြစ်ပေမည်။ ဤအရာကို အမှတ်ရလော့။ ဘုရားသခင်သည် တူညီသော အမှုကို ထပ်မလုပ်ပေ။ ယေရှု၏ အမှုအဆင့်သည် ပြီးစီးနှင့်ပြီးသားဖြစ်ပြီး၊ ဘုရားသခင်သည် အမှု၏ထိုအဆင့်ကို မည်သည့်အခါတွင်မျှ တစ်ဖန် ဆောင်ရွက်မည် မဟုတ်ပေ။...အကယ်၍ နောက်ဆုံးသော ကာလအတွင်းတွင် ဘုရားသခင်သည် နိမိတ်လက္ခဏာများနှင့် အံ့သြဖွယ်ရာများကို ပြသနေဆဲဖြစ်ခဲ့ပါက၊ နတ်ဆိုးများကို ဆက်လက် မောင်းထုတ်နေဆဲဖြစ်ပြီး၊ မကျန်းမာသောသူများကို အနာငြိမ်းစေဆဲ ဖြစ်ခဲ့ပါက- သူသည် ယေရှုကဲ့သို့နည်းတူ အတိအကျ လုပ်ဆောင်ခဲ့မည်ဆိုပါက- ဘုရားသခင်သည် တူညီသော အလုပ်တစ်ခုကို ထပ်လုပ်နေခြင်း ဖြစ်မည်ဖြစ်သကဲ့သို့၊ ယေရှု ပြုခဲ့သော အမှုသည် မည်သည့်အရေးပါမှု သို့မဟုတ် မည်သည့်တန်ဖိုးမျှ ရှိမည် မဟုတ်ပေ။ ထို့ကြောင့် ဘုရားသခင်သည် ခေတ်တိုင်းတွင် အမှု၏ အဆင့်တစ်ခုကို ဆောင်ရွက်လေသည်။ သူ့အမှု၏ အဆင့်အသီးသီး ပြီးစီးသည်နှင့်တစ်ပြိုင်နက်၊ မကြာမီ နတ်ဆိုးများက ယင်းကို လိုက်တုကြပြီး၊ စာတန်သည် ဘုရားသခင်နောက် ထပ်ကြပ်မကွာ စတင် လိုက်သည့်နောက်တွင်၊ ဘုရားသခင်သည် မတူကွဲပြားသော နည်းစနစ်တစ်ခုကို ပြောင်းလဲလေသည်။ ဘုရားသခင်သည် သူ့အမှု၏ အဆင့်တစ်ဆင့်ကို ပြီးစီးသည်နှင့်တစ်ပြိုင်နက်၊ ယင်းကို နတ်ဆိုးများက လိုက်တုကြလေသည်။ ဤအရာနှင့်ပတ်သက်၍ သင်တို့ ရှင်းရှင်းလင်းလင်း ဖြစ်ရမည်။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ယနေ့ ဘုရားသခင်၏ အမှုကို သိခြင်း”)

အစ်ကိုကျန်းက မိတ်သဟာယပြုကာ ပြောခဲ့ပါသည်။ “အနန္တတန်ခိုးရှင် ဘုရားသခင်ရဲ့ နှုတ်ကပတ်တော်တွေကနေ ဘုရားသခင်က အစဉ်အမြဲ ဆန်းသစ်ပြီး လုံးဝအိုဟောင်းမသွားတဲ့ ဘုရားဖြစ်တယ်၊ ပြီးတော့ တူညီတဲ့ အမှုကိုပဲ နှစ်ကြိမ် လုံးဝမလုပ်ဘူးဆိုတာကို အစ်ကိုတို့ မြင်နိုင်တယ်။ ဘုရားသခင်က အမှုသစ်ကို အစပြုတဲ့အချိန်တိုင်းမှာ သူက နှုတ်ကပတ်တော်သစ်တွေကို ဖော်ပြပြီး လူကို လက်တွေ့လုပ်ဆောင်ဖို့ လမ်းကြောင်းသစ်တွေကို ပေးတယ်။ ဥပမာအနေနဲ့၊ သခင်ယေရှု ကြွလာခဲ့တဲ့အချိန်မှာ၊ သူက ပညတ်တရား နဲ့ ပညတ်ချက်တွေကို ကြေငြာခြင်း အမှုကို ထပ်မလုပ်ခဲ့ဘူး။ အဲဒီအစား လူသားမျိုးနွယ်ကို ရွေးနုတ်ခြင်း အမှုတော်ကို ဆောင်ရွက်ဖို့ အခြေပြုချက်တစ်ခုအနေနဲ့ အဲဒီအမှုကို အသုံးပြုခဲ့တယ။ အဲဒီအချိန်က လူတွေကို လက်တွေ့လုပ်ဆောင်ဖို့ နည်းလမ်းသစ်တွေကို သူ ပေးခဲ့တယ်။ ဥပမာအနေနဲ့၊ သူက လူတွေကို ဝန်ချဖို့နဲ့ နောင်တရဖို့၊ သူတို့ရဲ့ ရန်သူတွေကို ချစ်ဖို့၊ အချင်းချင်း ခွင့်လွှတ်ဖို့နဲ့ ချစ်ဖို့ကို သင်ယူကြဖို့၊ စသဖြင့် သွန်သင်ခဲ့တယ်။ အခု အနန္တတန်ခိုးရှင် ဘုရားသခင်က နောက်ဆုံးသော ကာလမှာ ကြွလာပြီဖြစ်ပြီး သူက နောင်တလမ်းကို ထပ်ပြီးတဖန် မဖော်ပြဘူး။ အဲဒီအစား သူက နှုတ်ကပတ်တော်တွေကနေတဆင့် လူကို စီရင်ခြင်းနဲ့ သန့်စင်ခြင်း အမှုတော်ကို ဆောင်ရွက်ဖို့ ရွေးနုတ်ခြင်းအမှုကို အခြေခံတစ်ခုအနေနဲ့ အသုံးပြုပါတယ်။ ဒီအမှုတော်အဆင့်အတွင်းမှာ ဘုရားသခင်က နမိတ်လက္ခဏာတွေနဲ့ အံ့ဖွယ်ရာတွေကို မဆောင်ရွက်ပါဘူး၊ အဲဒီအစား အစ်ကိုတို့ရဲ့ ဖောက်ပြန်ပျက်စီးတဲ့ စိတ်သဘောထားတွေကို ထုတ်ဖော်ပြဖို့ နဲ့ အစ်ကိုတို့ရဲ့ မတရားမှုကို စီရင်ဖို့ သူ့နှုတ်ကပတ်တော်တွေကို လက်တွေ့ကျကျ ဖော်ပြပါတယ်။ တစ်ချိန်တည်းမှာပဲ ဘုရားသခင်က အစ်ကိုတို့ စစ်မှန်တဲ့ ကယ်တင်ခြင်းရဖို့ လိုအပ်တဲ့ သမ္မာတရားအားလုံးကို အစ်ကိုတို့ကို ပေးသနားပါတယ်။ ပြီးတော့ အစ်ကိုတို့ကို သူက စိတ်သဘောထားဆိုင်ရာ ပြောင်းလဲမှုဆီသွားတဲ့ လမ်းကြောင်းကို နားလည်သဘောပေါက်စေတယ်။ အဲဒီကနေတဆင့် အစ်ကိုတို့ရဲ့ ဖောက်ပြန်ပျက်စီးတဲ့ စိတ်သဘောထားတွေကို အစ်ကိုတို့ စွန့်ပယ်နိုင်ပြီး ဘုရားသခင်က သူ့ရဲ့နိုင်ငံတော်ထဲကို ပို့ဆောင်တာ ခံရကြတယ်။ ဒါပေမယ့် ခရစ်တော်ရဲ့ အယောင်ကိုဆောင်တဲ့သူ အများစုက ဝိညာဉ်ဆိုးတွေ ပူးတာကို ခံရကြပြီး အားလုံးက ထူးထူးခြားခြားကို မာနထောင်လွှားပြီး ကတ်သီးကတ်သတ်နိုင်ကြတယ်။ သူတို့က လူတွေကို စိတ်သဘောထားဆိုင်ရာ ပြောင်းလဲမှုဆီ လမ်းကြောင်းကို ပြသဖို့ သမ္မာတရားကို ဖော်ပြဖို့မပြောနဲ့၊ ခေတ်သစ်တွေကို မစတင်နိုင်သလို ခေတ်တွေကို အဆုံးမသတ်စေနိုင်ပါဘူး။ သူတို့ လုပ်နိုင်သမျှက ယေရှုရဲ့ အတိတ်က အမှုတော်ကို တုပဖို့နဲ့ လူတွေကို လှည့်ဖြားဖို့ ရိုးရှင်းတဲ့ နမိတ်လက္ခဏာ အနည်းငယ်ကို ဆောင်ရွက်ဖို့ပဲ ဖြစ်တယ်။ လူသေကို ပြန်ရှင်စေတာနဲ့ လူငါးထောင်ကို ငါးနှစ်ကောင် မုန့်ငါးလုံးနဲ့ ကျွေးမွေးတာတွေလို သခင်ယေရှု ဆောင်ရွက်ခဲ့တဲ့ ကြီးမြတ်တဲ့ နမိတ်လက္ခဏာတွေအတွက် ခရစ်တော်ရဲ့ အယောင်ကိုဆောင်တဲ့သူတွေက အဲဒီလုပ်ရပ်တွေကို တကယ်ကို မတုပနိုင်ကြပါဘူး။ ဘာလို့လဲဆိုတော့ ဘုရားသခင်ကပဲ အဲဒီလို သြဇာအာဏာ နဲ့ တန်ခိုးတွေကို ပိုင်ဆိုင်ပြီး ခရစ်တော်ရဲ့ အယောင်ကိုဆောင်တဲ့သူတွေက အဲဒီလိုအရာတွေကို လုံးဝ မစွမ်းဆောင်နိုင်လို့ပဲ ဖြစ်ပါတယ်။”

အစ်ကို၏ မိတ်သဟာယမှတဆင့်သာ ဘုရားသခင်၏ အမှုတော်မှာ အမြဲဆန်းသစ်ပြီး ဘယ်တော့မှ မအိုဟောင်းသလို၊ ခရစ်တော်၏ အယောင်ကိုဆောင်သောသူတို့သည် ဘုရားသခင်၏ အတိတ်က အမှုတော်ကိုသာ တုပနိုင်စွမ်းရှိပြီး ရိုးရှင်းသည့် နမိတ်လက္ခဏာနှင့် အံ့ဖွယ်ရာ အနည်းငယ်ကိုသာ လုပ်ဆောင်နိုင်စွမ်းရှိသည်ကို ကျွန်မ နားလည်လာခဲ့ပါသည်။ သူတို့သည် ဘုရားသခင်၏ အမှုတော်ကို လုပ်ဆောင်နိုင်စွမ်းမရှိကြပါ။ ဘုရားသခင်၏ အမှုတော်နောက်ကွယ်မှ အခြေခံသဘောတရားများကို ကျွန်မတို့ နားလည်သဘောပေါက်သရွေ့ ကျွန်မတို့ လှည့်ဖြားခံရမည် မဟုတ်ပါ။ ကျွန်မသည့် လှည့်ဖြားခံရမည်ကို အမြဲ စိုးရွံ့ခဲ့ပြီး နောက်ဆုံးသောကာလ အနန္တတန်ခိုးရှင်ဘုရားသခင်၏ အမှုတော်ကို ရှာဖွေပြီး လေ့လာဆန်းစစ်ဖို့ မပြောနှင့်၊ အရှေ့ရပ်မှ လျှပ်ပြက်ခြင်းက ပေးသည့် မည်သည့်တရားဒေသနာကိုမဆိုပင် နားမထောင်ဝံ့ခဲ့ပါ။ ယင်းအစား၊ ကျွန်မ၏ အသင်းတော်တွင် ရှိရင်းစွဲအတိုင်း နေပြီး၊ ယင်းမှာ လုပ်ဆောင်ရမည့် အန္တရာယ်အကင်းဆုံးနည်းလမ်းဖြစ်ပြီး အနာဂတ်တွင် သခင်နှင့်အတူ ကျွန်မ ပေါင်းစည်းလိမ့်မည်ဟု တွေးထင်ရင်း၊ ထိုနေရာတွင် တရားဒေသနာများကို နားထောင်ကာ သခင့်ကို ချီးမွမ်းခဲ့ပါသည်။ သို့သော် ထိုအရာကို ယခု စဉ်းစားကြည့်သည့်အခါ၊အလွန်မတုန်မလှုပ်ဖြစ်ပြီး သတိထားလွန်းကာ နောက်ဆုံးသော ကာလ သခင်၏ မိန့်မြွက်ချက်များကို ဦးစွာမရှာဖွေခြင်းက အမှန်တကယ်ပင် သခင့်ကို ကြိုဆိုရန် ကျွန်မ၏ အခွင့်အရေးကို လွဲချော်စေတတ်ခဲ့ပါသည်။

အစ်ကို ကျန်းက သူ၏ မိတ်သဟာယကို ဆက်ပြီး၊ “ဘုရားသခင်က သမ္မာတရား၊ လမ်းခရီးနဲ့ အသက်ဖြစ်တယ်။ ဘုရားရဲ့ အမှုတော်နဲ့ဆိုင်တဲ့ အခြေခံသဘောတရားတွေအားဖြင့် စစ်မှန်တဲ့ ခရစ်တော်နဲ့ ခရစ်တော်ရဲ့ အယောင်ကိုဆောင်တဲ့သူတွေကြား ခွဲခြားသိမြင်နိုင်တဲ့အပြင်၊ သူတို့ကို ခရစ်တော်ရဲ့ အနှစ်သာရအားဖြင့်လည်း ခွဲခြားနိုင်ပါတယ်” ဟု ပြောလေသည်။ ထိုအချိန်တွင်၊ အစ်ကို ကျန်းက ဘုရားနှုတ်ကပတ်တော်ကျမ်းတစ်ပိုဒ်ကို ပို့ခဲ့ပါသည်- “လူ့ဇာတိခံယူသော ဘုရားသခင်ကို ခရစ်တော်ဟုခေါ်သည်၊ ထို့ကြောင့် လူတို့ကို သမ္မာတရား ပေးနိုင်သော ခရစ်တော်ကို ဘုရားသခင်ဟု ခေါ်၏။ သူသည် ဘုရားသခင်၏ အနှစ်သာရ ပိုင်ဆိုင်ပြီး၊ သူ၏ အမှုတွင် လူသားက မရရှိနိုင်သည့် ဘုရားသခင်၏ စိတ်သဘောထားနှင့် ဉာဏ်ပညာတို့ ပိုင်ဆိုင်သည့်အတွက်၊ ဤအရာနှင့်ပတ်သက်၍ လွန်ကဲသောအရာတစ်ခုမျှ မရှိပေ။ မိမိတို့ကိုယ်ကိုယ် ခရစ်တော်ဟု ခေါ်သော်လည်း၊ ဘုရားသခင်၏အမှုကို မလုပ်ဆောင်နိုင်သော သူတို့သည် လူလိမ်များ ဖြစ်၏။ ခရစ်တော်သည် ကမ္ဘာမြေကြီးပေါ်ရှိ ဘုရားသခင်၏ သရုပ်သကန်ဖြစ်ရုံသာမက၊ ဘုရားသခင်က လူသားအလယ် သူ၏အမှုကို ဆောင်ရွက်ပြီး၊ ပြည့်စုံစေသည်နှင့်အမျှ သူခံယူသော အထူးလူ့ဇာတိလည်း ဖြစ်၏။ ဤဇာတိခန္ဓာကို မည်သည့်လူသားမဆိုက အစားထိုး၍ မရနိုင်ဘဲ၊ ကမ္ဘာမြေပေါ်တွင် ဘုရားသခင်၏အမှုကို ပြည့်စုံလုံလောက်စွာ တာဝန်ယူ ထမ်းဆောင်နိုင်ပြီး ဘုရားသခင်၏ စိတ်သဘောထားကို ဖော်ပြနိုင်ကာ၊ ဘုရားသခင်ကို ကောင်းစွာ ကိုယ်စားပြုနိုင်သကဲ့သို့၊ လူသားကို အသက်ဖြင့် ထောက်ပံ့ပေးနိုင်သော ဇာတိခန္ဓာ တစ်ခုဖြစ်၏။ ၎င်းတို့သည် ခရစ်တော်ဖြစ်သည်ဟု အခိုင်အမာ ဆိုကြသော်လည်း၊ ခရစ်တော်၏ အနှစ်သာရထဲမှ မည်သည့်အရာမျှ မပိုင်ဆိုင်ကြသည့်အတွက်၊ အနှေးနှင့်အမြန်၊ ခရစ်တော်၏ အယောင်ကိုဆောင်သော သူအားလုံးတို့သည် ကျရှုံးကြလိမ့်မည်။ ထို့ကြောင့် ခရစ်တော်၏ စစ်မှန်မှုကို လူသားက သတ်မှတ်၍ မရနိုင်ဘဲ၊ ဘုရားသခင် ကိုယ်တိုင်က တာဝန်ယူကာ ဆုံးဖြတ်ထားခြင်းဖြစ်သည်ဟု ငါပြောရပေသည်။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “နောက်ဆုံးသော ကာလ၏ ခရစ်တော်သည်သာ လူသားအား ထာဝရအသက်၏ လမ်းခရီးကို ပေးနိုင်သည်”)

အစ်ကိုကျန်းက သူ၏ မိတ်သဟာယကို ဆက်ပြောခဲ့ပါသည်။ “ဘုရားသခင်ရဲ့ နှုတ်ကပတ်တော်တွေကနေ ခရစ်တော်ဟာ ဘုရား ဝိညာဉ်တော်ရဲ့ လူ့ဇာတိခံယူခြင်းဖြစ်တယ်ဆိုတာ အစ်ကိုတို့ မြင်နိုင်တယ်။ သူက ဘုရားသဘာဝ အနှစ်သာရကို ပိုင်ဆိုင်တယ်။ ဘုရားအမှုတော်ကို သူ ဆောင်ရွက်တယ။ ဘုရားသခင်ရဲ့ စိတ်သဘောထားကို သူဖော်ပြတယ်။ အချိန်မရွေး၊ နေရာမရွေး လူကို ထောက်ပံ့ဖို့နဲ့ ထိန်းကျောင်းဖို့ သမ္မာတရားကို သူဖော်ပြနိုင်တယ်။ ပြီးတော့ ခရစ်တော်ကပဲ လူကိုကယ်တင်တဲ့ အမှုကို ဆောင်ရွက်နိုင်တယ်။ ဥပမာအားဖြင့်၊ သခင်ယေရှုက ခရစ်တော်ဖြစ်ပြီး သူ့ရဲ့ ပေါ်ထွန်းခြင်းနဲ့ အမှုတော်တွေက ပညတ်တော်ခေတ်ကို အဆုံးသတ်စေပြီး ကျေးဇူးတော်ခေတ်ကို စတင်စေခဲ့တယ်။ လူသားမျိုးနွယ်ကို နောင်တလမ်းပေးဖို့ သူ့ရဲ့ နှုတ်ကပတ်တော်တွေကိုလည်း သူ ပြောဆိုခဲ့တယ်။ အခက်အခဲတွေ ဖြစ်ပေါ်တဲ့အခါ လိုက်လျှောက်ဖို့ လမ်းတစ်ခု အစ်ကိုတို့ ရှိနိုင်ဖို့ ဘုရားသခင်ရဲ့ အလိုတော်နဲ့ သတ်မှတ်ချက်တွေ အစ်ကိုတို့ကို ရှင်းရှင်းလင်းလင်း သိနိုင်စေခဲ့တယ်။ သခင်ယေရှုရဲ့ နှုတ်ကပတ်တော်တွေကနေတဆင့် သခင့်ဆီ ဘယ်လိုဆုတောင်းရမယ်၊ အချင်းချင်း ဘယ်လိုအဆင်ပြေပြေနေရမယ်၊ အချင်းချင်း ဘယ်လိုခွင့်လွှတ်ရမယ်၊ စတာတွေကို လူက နားလည်သဘောပေါက်တယ်။ ဒါ့အပြင်၊ သခင်ယေရှုက သနားကြင်နာခြင်းနဲ့ ကရုဏာတော်နဲ့ဆိုင်တဲ့ သူ့ရဲ့ စိတ်သဘောထားကို ဖော်ပြခဲ့ပြီး နာမကျန်းဖြစ်သူတွေကို ကျန်းမာစေပြီး၊ နတ်ဆိုးတွေကို နှင်ထုတ်ခဲ့သလို လူသားအပေါ် အဆုံးမရှိတဲ့ ကျေးဇူးတော်ကို ပေးသနားခဲ့တယ်။ နောက်ဆုံးမှာ၊ လူသားမျိုးနွယ်ကို ရွေးနုတ်ဖို့ သူကားစင်တင်ခံခဲ့ရတယ်။ ဒီလိုနဲ့ လူသားမျိုးနွယ်အားလုံးကို ရွေးနုတ်ဖို့အမှုတော်ကို ပြည်စုံစေပြီး ပညတ်တရားရဲ့ ချည်နှောင်မှုတွေနဲ့ ချုပ်ချယ်မှုတွေကနေ အစ်ကိုတို့ကို ကယ်တင်ခဲ့တဲ့အပြင် ပညတ်တရားကို ချိုးဖောက်တဲ့အတွက် စီရင်ခံရပြီး သေခြင်းကို အပို့ခံရမယ့်အန္တရာယ်ကနေ အစ်ကိုတို့ကို လွတ်ကင်းချမ်းသာစေခဲ့တယ်။ ဒါတွေက သခင်ယေရှု လုပ်ဆောင်ခဲ့တဲ့ အရာတစ်ချို့တစ်လေ ဖြစ်ပြီး သူ့ကိုယ်စား ဘယ်သူမှ အဲဒါတွေကို မလုပ်ဆောင်နိုင်ခဲ့ပါဘူး။ သခင်ယေရှုရဲ့ အမှုတော်နဲ့ နှုတ်ကပတ်တော်တွေကနေ သူဟာ သမ္မာတရား၊ လမ်းခရီးနဲ့ အသက်ဖြစ်တယ်ဆိုတာ အစ်ကိုတို့ မြင်နိုင်တယ်။ အလားတူပဲ၊ နောက်ဆုံးသောကာလမှာ ဘုရားသခင်က နောက်တစ်ခါ လူ့ဇာတိဖြစ်လာခဲ့ပြီး ကျေးဇူးတော်ခေတ်ကို သူ အဆုံးသတ်ခဲ့သလို နိုင်ငံတော်ခေတ်ကို စတင်ခဲ့ပါတယ်။ သူက သန်းချီတဲ့ နှုတ်ကပတ်တော်တွေကို မိန့်မြွက်ပြီးပြီ၊ တရားစီရင်ခြင်းနဲ့ သန့်စင်ခြင်း အမှုတော်ကို သူ ဆောင်ရွက်တယ်။ ပြီးတော့ ဘုန်းအာနုဘော်တော်ဖြစ်တဲ့၊ အမျက်ဒေါသနဲ့ပြည့်ပြီး ချိုးဖောက်လို့မရတဲ့ ဘုရားသခင်ရဲ့ ဖြောင့်မတ်တဲ့ စိတ်သဘောထားကို သူ ဖော်ပြပါတယ်။ အနန္တတန်ခိုးရှင် ဘုရားသခင် ပြောဆိုတဲ့ နှုတ်ကပတ်တော်တွေက ဘုရားသခင်ရဲ့ စီမံခန့်ခွဲမှု အစီအစဉ်တစ်ခုလုံးနဲ့ လူသားရဲ့ အဆုံးသတ်နဲ့ နောက်ဆုံးခရီးပန်းတိုင်တို့ကို ဖွင့်ဟရုံသာမက၊ အစ်ကိုတို့ သန့်စင်ခံရဖို့နဲ့ စစ်မှန်တဲ့ ကယ်တင်ခြင်းရဖို့ လိုအပ်တဲ့ သမ္မာတရားတွေကိုလည်း ပြီးပြည့်စုံတဲ့ရှင်းလင်းမှုနဲ့ အသေးစိတ်ရှင်းပြပါတယ်။ ဥပမာအနေနဲ့ လူကို စာတန်က ဖောက်ပြန်ပျက်စီးစေပုံ၊ စာတန်ရဲ့ လက်ထဲက လူသားရဲ့ ဖောက်ပြန်ပျက်စီးခြင်း အမှန်တရား၊ လူသားရဲ့ ဖောက်ပြန်ပျက်စီးတဲ့ စိတ်သဘောထားတွေကို ဘုရားသခင်က စီရင်ပြီး သန့်စင်စေပုံ၊ ဘုရားသခင်ကို လူက ဘယ်လို ယုံကြည်ပြီး နာခံသင့်တယ်၊ ဘယ်လိုလူမျိုးကို ဘုရားသခင်က နှစ်သက်တယ်ဆိုတာနဲ့ ဘယ်လိုလူမျိုးကို သူက မုန်းတီးပြီး သုတ်သင်ဖယ်ရှားတယ်၊ ပြီးတော့ ဘုရားသခင်ရဲ့ စုံလင်စေတာခံရဖို့ အစ်ကိုတို့ ဘယ်လိုရှာဖွေလိုက်စားသင့်တယ်၊ စတာတွေကိုပေါ့။ ဘုရားနှုတ်ကပတ်တော်တွေရဲ့ တရားစီရင်ခြင်းနဲ့ ပြစ်တင်ဆုံးမခြင်းတွေကို တွေ့ကြုံခြင်းကနေတဆင့်၊ စာတန်အားဖြင့် အစ်ကိုတို့ရဲ့ ဖောက်ပြန်ပျက်စီးမှု အနှစ်သာရနဲ့ အရင်းအမြစ်တွေကို ရှင်းရှင်းလင်းလင်း အစ်ကိုတို့ မြင်နိုင်တယ်။ ပြီးတော့ ဘုရားသခင်ရဲ့ ဖြောင့်မတ်၊ သန့်ရှင်းပြီး ချိုးဖောက်လို့မရတဲ့ စိတ်သဘောထားကို အစ်ကိုတို့ နားလည်လာကြတယ်။ အဲဒီနောက် အစ်ကိုတို့ မနေနိုင်ဘဲ ဘုရားသခင်ရဲ့ ရှေ့မြေပေါ်မှာ စစ်မှန်တဲ့ နောင်တနဲ့ ပြိုလဲကြတယ်။ ဘုရားသခင်အပေါ် ပိုပိုပြီး အစ်ကိုတို့ ကြည်ညိုကြသလို နာခံမှုရှိလာကြပြီး၊ တဖြည်းဖြည်းနဲ့ အစ်ကိုတို့ရဲ့ ဆိုးယုတ်တဲ့ ဖောက်ပြန်ပျက်စီးတဲ့ စိတ်သဘောထားတွေကို အစ်ကိုတို့ စွန့်ပစ်ကြတယ်။ အပြစ်တရားရဲ့ ချည်နှောင်မှုတွေကနေ ကိုယ့်ကိုယ်ကိုယ် လွတ်စေကြပြီး ဘုရားသခင်ရဲ့ စစ်မှန်တဲ့ ကယ်တင်ခြင်းကို ရရှိကြတယ်။ အနန္တတန်ခိုးရှင် ဘုရားသခင်ရဲ့ မိန့်မြွက်ချက်တွေနဲ့ အမှုတော်က ကျွန်တော်တို့ဆီ သမ္မာတရား၊ လမ်းခရီးနဲ့ အသက်ကို ယူဆောင်လာတယ်။အနန္တတန်ခိုးရှင် ဘုရားသခင်ဟာ ဘုရားသခင် ကိုယ်တော်တိုင်ဖြစ်ပြီး သူဟာ လူ့ဇာတိဖြစ်လာတဲ့ ခရစ်တော်ဖြစ်ပါတယ်။ ခရစ်တော်ရဲ့ အယောင်ကိုဆောင်တဲ့သူတွေက လူသားမျိုးနွယ်ကို ကယ်တင်တဲ့အမှုကို ဆောင်ရွက်ဖို့မပြောနဲ့၊ ဘုရားသခင်ရဲ့ အနှစ်သာရကို မပိုင်ဆိုင်ကြသလို သမ္မာတရားကို မဖော်ပြနိုင်ကြပါဘူး။ သူတို့က လူတွေကို လှည့်ဖြားပြီး ထိခိုက်စေဖို့ မှန်သလိုလိုထင်ရပေမယ့် တကယ်တမ်းမှားနေတဲ့ အရာတစ်ချို့ကိုပဲ ပြောနိုင်ကြတယ်။ တစ်ယောက်ယောက် သူတို့ပြောတာကို နားထောင်တဲ့အခါ၊ ဘယ်လိုထောက်ပံ့မှုကိုမှ သူတို့ မရရုံသာမက၊ ဒါ့အပြင် သူတို့ရဲ့ စိတ်နှလုံးသားတွေက ဆိုးသထက်ဆိုးလာကြတယ်။ သူတို့မှာ လှည့်ပြန်စရာနေရာမရှိကြသလို၊ စာတန်ရဲ့ ဝါးမြှိုခံရတဲ့အဖြစ်နဲ့ မလွဲမရှာင်သာ အဆုံးသတ်ကြရတယ်။ ဒါကြောင့်၊ ဘုရားသခင်ရဲ့ မိန့်မြွက်ချက်တွေ၊ အမှုတော်နဲ့ စိတ်သဘောထားတွေကနေ၊ ခရစ်တော်သာ သမ္မာတရား၊ လမ်းခရီးနဲ့ အသက်ဖြစ်တယ်ဆိုတာ အစ်ကိုတို့ သေချာလေ့လာသိရှိနိုင်ကြပါတယ်။”

အနန္တတန်ခိုးရှင် ဘုရားသခင်၏ နှုတ်ကပတ်တော်များနှင့် အစ်ကို၏ မိတ်သဟာယကို နားထောင်ပြီးသည့်နောက် စစ်မှန်သော ခရစ်တော်နှင့် ခရစ်တော်၏ အယောင်ကိုဆောင်သောသူတို့ကြား ခွဲခြားသိမြင်ပုံနှင့်ဆိုင်သည့် သမ္မာတရားကို ပြည့်ပြည့်စုံစုံ ကျွန်မ နားလည်လာခဲ့သည်။ “ဟုတ်တယ်” ဟု ကျွန်မတွေးလိုက်သည်။ “ခရစ်တော်သာ သမ္မာတရား၊ လမ်းခရီးနဲ့ အသက်ဖြစ်ပြီး ခရစ်တော်ကပဲ သမ္မာတရားကို ဖော်ပြနိုင်သလို ဘုရားသခင်ကိုယ်တော်တိုင်ရဲ့ အမှုတော်ကို ဆောင်ရွက်နိုင်တယ်။ သူတို့ကိုယ်သူတို့ ခရစ်တော်လို့ အမည်ပေးကြပေမယ့် သမ္မာတရားကို ဖော်ပြနိုင်စွမ်းမရှိသလို လူကိုကယ်တင်တဲ့ အမှုတော်ကို မဆောင်ရွက်နိုင်တဲ့သူအားလုံးဟာ ခရစ်တော်ရဲ့ အယောင်ကိုဆောင်တဲ့သူတွေပဲ။ အခု ရှေ့ဆက်ရမယ့်လမ်းခရီးကို ငါရှာတွေ့ပြီ။ ခရစ်တော်ရဲ့ အယောင်ကိုဆောင်တဲ့သူတွေရဲ့ လှည့်ဖြားခံရမှာ၊ စဉ်ဆက်မပြတ် မတုန်မလှုပ်နဲ့ သတိထားနေရမှာကို ငါမကြောက်တော့ဘူး။ ဘုရားသခင်ကို ကျေးဇူးတင်ပါတယ်။”

နောက်ပိုင်းအချိန်တစ်လျှောက်တွင် အစ်ကိုကျန်းက လူ့ဇာတိခံခြင်း၏ နက်နဲမှု၊ ဘုရားသခင်၏ အမှုတော်နှင့် လူ၏ အလုပ်ကြား ကွဲပြားခြားနားမှု၊ သမ္မာကျမ်းစာ၏ အတွင်းပိုင်း ဇာတ်ကြောင်းနှင့် နောက်ထပ်အကြောင်းအရာများကဲ့သို့သော အခြားသော သမ္မာတရားများနှင့် ပတ်သက်၍ ကျွန်မကို မိတ်သဟာယပြုပေးခဲ့ပါသည်။ ကျွန်မ ပိုနားထောင်လေလေ၊ ပိုမို စိတ်ကျေနပ်မှုကို ခံစားရလေလေဖြစ်ခဲ့ပြီး၊ ညီအစ်ကို မောင်နှမများနှင့်အတူ ဝတ်ပြုအစည်းအဝေးများ တက်ရောက်ဖို့ရန် နေ့တိုင်း ကျွန်မ စောင့်မျှော်ခဲ့ပါသည်။ ဝတ်ပြုအစည်းအဝေး အဆုံးသတ်သည့် အကြိမ်တိုင်းတွင်၊ ကျွန်မတို့ကို ဆန်းသစ်စွာ အလင်းပြခဲ့သည့် အရာများကို ကျွန်မအမေနှင့်အတူ ကျွန်မ ဆွေးနွေးလေ့ရှိပြီး၊ တဖြည်းဖြည်းနှင့် နောက်ဆုံးသော ကာလ ဘုရားသခင်၏ အမှုတော်နှင့် သက်ဆိုင်၍ နားလည်သဘောပေါက်မှုအချို့ ကျွန်မ ရှိလာခဲ့ပါသည်။ ရှာဖွေခြင်းနှင့် လေ့လာဆန်းစစ်ခြင်း ကာလတစ်လျှောက်တွင် အနန္တတန်ခိုးရှင်မှာ အမှန်ပင် ပြန်ကြွလာသည့် သခင်ယေရှုဖြစ်သည်ကို ကျွန်မ သေချာလာခဲ့သည်။ ထို့နောက် ဧဝံဂေလိတရားကို ကျွန်မ စတင်ဖြန့်ဝေခဲ့ပြီး ဘုရားသခင်၏ ပေါ်ထွန်းခြင်းအတွက် တောင့်တကြသည့် နောက်ထပ်လူများစွာကိုဆီ သခင်ပြန်ကြွလာသည့် သတင်းကို စတင်ပြောခဲ့ပါသည်။

ဆိုးညစ်သော အစေခံတို့က သူတို့၏ စရိုက်မှန်များကို ပြသကြသည်

နောက်ပိုင်းတွင် ကျွန်မ အမေနှင့် ကျွန်မတို့သည် သောကြာနေ့ ဝတ်ပြုကိုးကွယ်မှုကို တက်ရောက်ဖို့ အရင်အသင်းတော်သို့ သွားခဲ့ကြပါသည်။ အစည်းအဝေးပြီးသည့်နောက်တွင် ကျွန်မတို့အဖို့ အံ့အားသင့်ဖွယ်ရာပင်၊ သင်းအုပ်ဆရာက အနန္တတန်ခိုးရှင် ဘုရားသခင်ကို ဆန့်ကျင်သည့် မှားယွင်းသော စွပ်စွဲမှုများပါရှိသည့် ဗွီဒီယိုတစ်ခုကို စတင်ဖွင့်လိုက်လေသည်။ အနန္တတန်ခိုးရှင် ဘုရားသခင် အသင်းတော်ကို ဆန့်ကျင်ကာ သူတို့ စွတ်စွဲထားသည့် လုပ်ကြံထားသော ကောလဟလများ နှင့် အသရေဖျက်မှုတို့ကို မြင်သည့်အချိန်တွင် ကျွန်မ စိတ်ဆိုးလာခဲ့ပြီး၊ “အနန္တတန်ခိုးရှင် ဘုရားသခင်အသင်းတော်က သူတို့ပြောသလို လုံးဝ မဟုတ်ဘူး။ သူတို့က အနန္တတန်ခိုးရှင် ဘုရားသခင် အသင်းတော်နဲ့ ပတ်သက်စရာ ဘာမှမရှိသလို၊ ဘုရားသခင်ရဲ့ နောက်ဆုံးသော ကာလအမှုတော်ကို သူတို့ မလေ့လာမဆန်းစစ်ခဲ့ကြပါဘူး။ ဘယ်လိုဖြစ်ပြီး ဘုရားသခင်ရဲ့ အမှုတော်ကို သူတို့ အခြေအမြစ်မရှိ၊ ထင်ရာမြင်ရာ ဝေဖန်နိုင်ရတာလဲ” ဟု တွေးမိခဲ့ပါသည်။

ဗွီဒီယိုပြီးသွားသည့်အခါ၊ သင်းအုပ်ဆရာ၊ သင်းထောက်နှစ်ဦးနှင့် အသင်းတော်ကောင်စီအဖွဲ့ဝင်နှစ်ဦးတို့က ကျွန်မအမေနှင့် ကျွန်မတို့ကို နေခဲ့ဖို့ရန် တောင်းဆိုခဲ့ကြသည်။ သင်းအုပ်ဆရာက ကျွန်မတို့ကို၊ “အခု ခင်ဗျားတို့ နှစ်ယောက်က အနန္တတန်ခိုးရှင် ဘုရားသခင်ကို ယုံကြည်သူတွေ ဖြစ်နေကြပြီလား” ဟု မေးခဲ့သည်။ ကျွန်မတို့က “ဟုတ်ပါတယ်” ဟု ပြန်ဖြေခဲ့ကြသည်။

ဤအရာကို ကျွန်မတို့ ပြောလိုက်သည့်အခိုက်အတန့်တွင် သင်းထောက် တစ်ဦးက ရုတ်တရက် သူ၏ခြေကို ဆောင့်လိုက်ပြီး၊ ကျွန်မအမေကို လက်ညိုးထိုးကာ၊ စိတ်ဆိုးမာန်ဆိုးဖြင့် “ဒီတော့ ခင်ဗျားက အနန္တတန်ခိုးရှင် ဘုရားသခင်ကို အခု ယုံကြည်နေပြီပေါ့။ မနက်ဖြန်ကစပြီး ခင်ဗျား ဥပုသ်စာဖြေကျောင်းကို သင်ခွင့်မရှိတော့ဘူး။ မနက်ဖြန်နေ့လည်၊ ခင်ဗျားအိမ်ကို ကျုပ်လာပြီး အသင်းတော်ငွေကို ပြန်ယူမယ်” ဟု ပြောလိုက်သည်။

ကျွန်မအမေက “ရှင်ကြိုက်တဲ့အချိန် ယူနိုင်ပါတယ်” ဟု ပြောခဲ့သည်။

သင်းအုပ်ဆရာက ဒေါသတကြီးဖြင့် “ဘာသာရေးလောကတစ်ခုလုံးက အနန္တတန်ခိုးရှင် ဘုရားသခင် အသင်းတော်ကို ဆန့်ကျင်ပြီး ရှုတ်ချကြတယ်။ ဘာလို့ ခင်ဗျားတို့က သူတို့နဲ့ ဆက်ပြီး အဆက်အသွယ် လုပ်နေကြတာလဲဗျာ” ဟု မေးခဲ့သည်။

ကျွန်မ အမေက ခွန်းတုန့်ပြန်ကာ၊ “သင်းအုပ်ရေ၊ ဘာသာရေးလောကက သမ္မာတရားကို ပိုင်ဆိုင်လို့လား။ သခင်ယေရှုက ဘာသာရေးလောကကို နာခံခြင်းဖြင့်ပဲ သူ့ကို ကြိုဆိုနိုင်တယ်လို့ ပြောခဲ့ဖူးလို့လား။ လွန်ခဲ့တဲ့ နှစ်တွေအားလုံးမှာ သခင်ယေရှု ပေါ်ထွန်းပြီး သူ့ရဲ့အမှုတော်ကို ဆောင်ရွက်ခဲ့တုန်းက၊ ဂျူးလူမျိုး ခေါင်းဆောင်တွေက သူ့အမှုတော်ကို ရှာဖွေဖို့ ဒါမှမဟုတ် လေ့လာဆန်းစစ်ဖို့ ငြင်းပယ်ခဲ့ကြရုံသာမက ယုံကြည်သူတွေက ဒါကို လက်ခံကြတာကိုလည်း တားဆီးပိတ်ပင်ကြတယ်။ ပြီးတော့ ယေရှုအကြောင်း ကောလဟလတွေကိုတောင် ဖန်တီးကြပြီး သူ့ကို ထိတ်ထိတ်ပျာပျာ ဆန့်ကျင်အာခံခဲ့ကြတယ်၊ ဝေဖန်ခဲ့ကြပြီး ရှုတ်ချခဲ့ကြတယ်။ နောက်ဆုံးမှာ ဘုရားသခင်ရဲ့ စိတ်သဘောထားကို ပုန်ကန်ပြစ်မှားခဲ့ကြပြီး ဒီလိုနဲ့ ဘုရားသခင်ရဲ့ ကျိန်ဆဲတာ၊ အပြစ်ပေးတာကို သူတို့ ခံခဲ့ကြရတယ်။ ကျွန်မတို့က ရှင်ပြောတဲ့အရာကို လိုက်နာပြီး ဘာသာရေးလောကက ဆန့်ကျင်ပြီး ရှုတ်ချတဲ့ ဘယ်လမ်းကိုမဆို မှန်တဲ့လမ်းမဟုတ်ဘူးလို့ ပြောရင်၊ အဲဒါက ရှင်ဟာ သခင်ယေရှုရဲ့ အမှုတော်ကိုတောင် ငြင်းပယ်နေတာလို့ အဓိပ္ပါယ်မရဘူးလား။ ရှင်က အနန္တတန်ခိုးရှင် ဘုရားသခင် အသင်းတော်ကို ဆန့်ကျင်ပြီး ရှုတ်ချရာမှာ ဘာသာရေးလောကနဲ့ သဘောတူတယ။ ပြီးတော့ နောက်ဆုံးသော ကာလ ဘုရားသခင်ရဲ့ အမှုတော်ကို ရှာဖွေဖို့နဲ့ လေ့လာဆန်းစစ်ဖို့ ရှင်ငြင်းတယ်လေ။ဒါက သမ္မာတရားနဲ့ ကိုက်ညီလို့လား။ အသင်းတော်ရဲ့ သင်းအုပ်ဆရာနဲ့ သင်းထောက်တွေအနေနဲ့၊ ရှင်တို့က ဘာကြောင့် အနန္တတန်ခိုးရှင် ဘုရားသခင်ရဲ့ နောက်ဆုံးသော ကာလ အမှုတော်ကို လေ့တောင်မလေ့လာဘဲနဲ့ ထင်ရာမြင်ရာ ရှုတ်ချပြီး ဝေဖန်ကြတာလဲ။ အနန္တတန်ခိုးရှင် ဘုရားသခင်ရဲ့ နှုတ်ကပတ်တော်များစွာကို ဖတ်ရာကနေတဆင့်၊ အနန္တတန်ခိုးရှင် ဘုရားသခင်ရဲ့ နှုတ်ကပတ်တော်တွေက သမ္မာတရားဖြစ်တယ်ဆိုတာနဲ့ အဲဒါတွေက ဘုရားသခင်ရဲ့ အသံတော်ဖြစ်တယ်ဆိုတာ မြင်ရခြင်းအားဖြင့်၊ အနန္တတန်ခိုးရှင် ဘုရားသခင်ဟာ ပြန်ကြွလာတဲ့ သခင်ယေရှုဖြစ်တယ်ဆိုတာ ကျွန်မတို့ သေချာလာကြတာပါ” ဟု ပြောလိုက်သည်။ အံ့အားသင့်စရာကောင်းအောင်ပင်၊ သူတို့က ကျွန်မအမေပြောသည့်အရာကို အထင်သေး အရေးမလုပ်ခဲ့ကြသလို လုံးဝ လက်မခံခဲ့ကြပါ။

ကျွန်မအမေက သူ၏ ဖုန်းထဲက အက်ပလီကေးရှင်းတစ်ခုကို ဖွင့်လိုက်ပြီး သူတို့ကို အနန္တတန်ခိုးရှင် ဘုရားသခင်၏ နှုတ်ကပတ်တော်များ ဖတ်ပြခဲ့သည်။ ထို့နောက် အသင်းတော် ကောင်စီအဖွဲ့ဝင်တစ်ဦးသည် အလွန်မောက်မာစွာ စကားပြောဆိုခဲ့ပြီး အနန္တတန်ခိုးရှင် ဘုရားသခင်ကို ဆန့်ကျင်သည့် စော်ကားပြစ်မှားသော အရာများကို ပြောလေသည်။ ကျွန်မအမေက ဒေါသတကြီး၊ “ရှင်တို့က မယုံနိုင်လောက်အောင် မောက်မာလိုက်တာ။ ဒီနှုတ်ကပတ်တော်တွေက သမ္မာတရားဖြစ်တယ်။ရှင် မကြားရဘူးလား။ ဘုရားသခင်ရဲ့ အသံတော်ကို ရှင်ကြားတဲ့အခါ ရှင် နားမလည်နိုင်ဘူးလား။ ရှင်က ဘုရားရဲ့သိုး ဟုတ်ရဲ့လား” ဟု ပြောဆိုခဲ့ပါသည်။

သူတို့က ပျော်ရွှင်မှုမပါဘဲ ပြုံးလိုက်ကြပြီး ကျွန်မတို့ကို မာန်တက်စွာဖြင့်ပင် ကြည့်နေကြလေသည်။ ထို့နောက် သင်းအုပ်ဆရာက မိမိကိုယ်ကိုယ် ကြီးကျယ်စွာဖြင့်၊ “ငါတို့ စောင့်ဆိုင်းကြတဲ့ သူက သူ့လက်မှာ သံမှိုစွဲရာရှိပြီး ဂျူးလူမျိုး ပုံစံနဲ့ လာတဲ့ သခင်ယေရှုပဲ။ သခင်ယေရှုကလွဲလို့၊ ဘာကိုမှ ငါတို့ လက်ခံမှာမဟုတ်ဘူး၊ အနန္တတန်ခိုးရှင် ဘုရားသခင် ဖော်ပြတဲ့အရာက သမ္မာတရားဆိုရင်တောင်မှပေါ့” ဟု ဆိုလေသည်။ သူတို့ အဘယ်မျှ ခေါင်းမာကြသည့်အဖြစ်ကို မြင်ရသည့်အခါ ကျွန်မအမေနှင့် ကျွန်မသည် သူတို့ကို ဆွေးနွေးဖို့ ကြိုးစားခြင်းကို လက်လျှော့လိုက်ကြသည်။ သူတို့၏ အပြုအမူက သခင်ယေရှုကို အာခံခဲ့ကြသည့် ဖာရိရှဲတို့၏ အပြုအမူများနှင့် တစ်ထေရာတည်းဖြစ်သည်ကို ကျွန်မ မြင်ခဲ့ရပါသည်။ သူတို့က ဘုရားသခင်ကို ယုံကြည်ကြသော်လည်း သမ္မာတရားကို မရှာဖွေခဲ့ကြသလို၊ ဘုရားသခင်၏ အသံတော်ကို နားထောင်ဖို့ အရေးမစိုက်ခဲ့ကြပါ။ ယင်းအစား သူတို့က မာနထောင်လွားပြီး စိတ်ကြီးသာ ဝင်ခဲ့ကြသည်။ ခေါင်းမာမာဖြင့် သူတို့၏ ကိုယ်ပိုင်အယူအဆများနှင့် စိတ်ကူးများကို ဖက်တွယ်ခဲ့ကြပြီး ဘုရားသခင်၏ အမှုတော်ကို သူတို့ ထင်ရာမြင်ရာ ဝေဖန်ပြီး ဆန့်ကျင်ခဲ့ကြသည်။သူတို့သည် ဘုရားသခင်ကို အစေခံသော်လည်း အမှန်တကယ်တွင် သူ့ကို ဆန့်ကျင်နေကြသည့် သူများ ဧကန်အမှန် ဖြစ်ကြပါသည်။

ထို့နောက် သင်းအုပ်ဆရာက ကျွန်မတို့ကို ခြိမ်းခြာက်ခဲ့ပြီး “ခင်ဗျားတို့ ဆင်ခြင်သုံးသပ်ဖို့ တစ်လ ကျွန်တော်တို့ ပေးလိုက်မယ်။ တကယ်လို့ တစ်လဆိုတဲ့အချိန်မှာ အနန္တတန်ခိုးရှင် ဘုရားသခင်ကို ခင်ဗျားတို့ မရမက ယုံကြည်နေကြသေးတယ်ဆိုရင် ကျွန်တော်တို့ အသင်းတော်ကနေ ခင်ဗျားတို့ကို မောင်းထုတ်ရလိမ့်မယ်” ဟု ပြောခဲ့သည်။

ကျွန်မက စိတ်ဆိုးမာန်ဆိုးဖြင့် “တစ်လ စောင့်စရာမလိုပါဘူး။ အခုပဲ ကျွန်မတို့ကို မောင်းထုတ်လိုက်ပါ။ နောက်ဆုံးသော ကာလ ဘုရားသခင်ရဲ့ အမှုတော်ကို ရှာဖွေတာနဲ့ လေ့လာဆန်းစစ်တာတွေအတွက် ဒီအချိန်ကို အသုံးပြုခဲ့မှတော့၊ အနန္တတန်ခိုးရှင် ဘုရားသခင်ဟာ ပြန်ကြွလာတဲ့ သခင်ယေရှုဖြစ်တယ်ဆိုတာ ကျွန်မတို့ သေချာနှင့်ပြီးပါပြီ။ ဘုရားသခင်ရဲ့ အသံတော်ကို နောက်ဆုံးမှာ ကျွန်မတို့ ကြားရပြီ။ ဒါကြောင့် ရှင်က ကျွန်မတို့ကို မနှင်ထုတ်ရင်တောင် ဘယ်လိုပဲဖြစ်ဖြစ် ဒီအသင်းတော်က ဝတ်ပြုအစည်းအဝေးတွေကို တက်ဖို့ ကျွန်မတို့ ပြန်လာမှာမဟုတ်ဘူး” ဟု ပြောလိုက်သည်။

သင်းအုပ်ဆရာက သူ့လေသံကို လျော့လိုက်ပြီး မရိုးသားစွာဖြင့်၊ “အဲဒီလိုဆို အဆင်ပြေမှာမဟုတ်ဘူး။ အခုခင်ဗျားတို့ကို နှင်ထုတ်လိုက်ရင် ညီအစ်ကို မောင်နှမတွေက ကျွန်တော်တို့ကို ဘယ်လိုထင်မလဲ။ သူတို့က ခင်ဗျားတို့ အွန်လိုင်းပေါ်က အစည်းအဝေးတစ်ချို့တက်တာလေးနဲ့ပဲ ကျွန်တော်တို့ နှင်ထုတ်တယ်တို့ ပြောကြမှာပဲ။ အဲဒါဆိုရင် ကျွန်တော်တို့က လုံးဝ သနားကြင်နာမှုမရှိသလို ဖြစ်နေမှာလေ။ တစ်လဆိုတဲ့အချိန်မှာ ကျွန်တော်တို့က ခင်ဗျားတို့ကို ကြိုးစားပမ်းစား ဆွေးနွေးခဲ့ပြီးပြီ၊ ပြီးတော့ ဆင်ခြင်သုံးသပ်ဖို့ လုံလောက်တာထက်ပိုတဲ့အချိန်ကို ခင်ဗျားတို့ကို ပေးခဲ့ပြီးပြီ၊ ဒါပေမယ့် နောက်ဆုံးမှာ အနန္တတန်ခိုးရှင် ဘုရားသခင်ကို ခင်ဗျားတို့ မရမက ယုံကြည်ခဲ့ကြသလို အသင်းတော်ကို စွန့်ခွာဖို့ ဆုံးဖြတ်ခဲ့ကြပြီး အဲဒီနောက်မှပဲ ခင်ဗျားတို့ကို ကျွန်တော်တို့ နှင်ထုတ်ခဲ့တာဖြစ်တယ်လို့ ညီအစ်ကို မောင်နှမတွေကို ကျွန်တော်တို့ ပြောမယ်” ဟု ဆိုလေသည်။

ဤအရာကို သင်းအုပ်ဆရာ ပြောသည်ကို ကြားသည့်အခါ၊ ကျွန်မ စက်ဆုပ်ရွံရှာမှုကို ခံစားခဲ့ရပြီး သူတို့ကို နောက်ထပ် စကားတစ်လုံးမျှ မပြောလိုတော့ပါ။ ထို့နောက် ကျွန်မအမေကို ကျွန်မနှင့်အတူ ဆွဲခေါ်ရင်း စတင်ထွက်ခွာခဲ့သည်။ ကျွန်မတို့ ထွက်လာသည့်အချိန်တွင်ပင် သင်းအုပ်ဆရာက သတိပေးချက်တစ်ခု ကျွန်မတို့ကို ပေးခဲ့သည်။ “အနန္တတန်ခိုးရှင် ဘုရားသခင်ကို ယုံတာ၊ မယုံတာ ခင်ဗျားတို့ သဘောပဲ။ ဒါပေမယ့် ကျွန်တော်တို့ အသင်းတော်ထဲက ညီအစ်ကို မောင်နှမတွေကို အဆက်အသွယ်တစ်ခုခု လုပ်ဖို့ ကျွန်တော် ခင်ဗျားတို့ကို ခွင့်မပြုဘူး။”

ဘုရားကျောင်းကို ကျွန်မတို့ စွန့်ခွာခဲ့သည့်အချိန်တွင် နံနက် တစ်နာရီကျော် ထိုးနှင့်ပြီ ဖြစ်သည်။ ယခုတင်ဖြစ်ပျက်ခဲ့သည့်အရာကို ကျွန်မ ပြန်တွေးကြည့်သည့်အခါ အလွန်ကောင်းမြတ်ပြီး အကျင့်သိက္ခာရှိသကဲ့သို့ ကျွန်မတို့ အလွန်လေးစားရိုသေခဲ့ကြသည့် သင်းအုပ်ဆရာ၊ တရားဟောဆရာက ထိုကဲ့သို့ ဖြစ်ရသည်ကို ကျွန်မ ယုံကိုမယုံနိုင်ခဲ့ပါ။ ထို့နောက်တွင်ပင် ဘုရားသခင်၏ နှုတ်ကပတ်တော်များက ကျွန်မ၏ စိတ်ထဲ ရောက်လာခဲ့သည်- “ခမ်းနားသည့် ဘုရားကျောင်းများထဲတွင် သမ္မာကျမ်းစာကို ဖတ်ရှုပြီး တစ်နေ့လုံး အာဂုံဆောင်သောသူများ ရှိသော်လည်း၊ ၎င်းတို့ထဲတွင် တစ်ဦးမျှ ဘုရားသခင်၏အမှု၏ ရည်ရွယ်ချက်ကို နားမလည်ပေ။ ၎င်းတို့ထဲတွင် တစ်ဦးမျှ ဘုရားသခင်ကို မသိနိုင်ကြပေ။ ၎င်းတို့ထဲမှ တစ်ဦးတစ်ယောက်မျှ ဘုရားသခင်၏ အလိုနှင့် ကိုက်ညီနိုင်ခြင်းမရှိပေ။ ၎င်းတို့အားလုံးသည် အသီးသီး ဘုရားသခင်ကို ဩဝါဒပေးရန် အမြင့်တွင် ရပ်တည်ကြရင်း၊ အသုံးမကျသောသူ၊ ဆိုးယုတ်သော လူများ ဖြစ်ကြသည်။ ၎င်းတို့သည် ဘုရားသခင်၏အောင်လံကို သယ်ဆောင်နေသည့် တစ်ချိန်တည်းမှာပင် ဘုရားသခင်ကို တမင် ဆန့်ကျင်ကြလေသည်။ ဘုရားသခင်၌ ယုံကြည်ခြင်းကို အခိုင်အမာဆိုလျက်၊ ၎င်းတို့သည် လူ့အသားကိုစားပြီး လူ့အသွေးကို သောက်ကြဆဲ ဖြစ်သည်။ ထိုသို့သောလူအားလုံးသည် လူသား၏ ဝိညာဉ်ကို ဝါးမျိုသည့် နတ်ဆိုးများ၊ မှန်ကန်သောလမ်းကြောင်းပေါ်သို့ ခြေလှမ်းရန် ကြိုးစားနေသူတို့၏ လမ်းတွင် တမင်သက်သက် တားဆီးသော မကောင်းဆိုးဝါးများ၏ ဦးသျှောင်နှင့် ဘုရားသခင်ကို ရှာဖွေသောသူတို့ကို ပိတ်ဆို့သော ခလုတ်တံသင်းများဖြစ်ကြ၏။ ၎င်းတို့သည် ‘ကောင်းမွန်သည့် ဖွဲ့စည်းမှု’ ရှိပုံရကြသော်လည်း၊ ၎င်းတို့သည် လူတို့အား ဘုရားသခင်ကို ဆန့်ကျင်ရန် လမ်းပြသည့် အန္တိခရစ်များသာဖြစ်သည်ကို ၎င်းတို့၏ နောက်လိုက်များက မည်သို့ သိကြမည်နည်း။ ၎င်းတို့သည် လူ့ဝိညာဉ်များကို ဝါးမျိုရန် ရည်မှန်းချက်တွင် နှစ်မြှုပ်ထားသော ရှင်သန်နေသည့် နတ်ဆိုးများဖြစ်သည်ကို ၎င်းတို့၏ နောက်လိုက်များက မည်ကဲ့သို့သိမည်နည်း။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်ကို မသိသောသူ အားလုံးသည် ဘုရားသခင်ကို ဆန့်ကျင်သောသူများ ဖြစ်ကြသည်”)

သင်းအုပ်ဆရာများနှင့် အကြီးအကဲများသည် သခင်၏ အစေခံများဖြစ်ကြပြီး၊ သမ္မာကျမ်းစာကို သူတို့ နားအလည်ဆုံးဖြစ်သင့်ပြီး ဘုရားသခင်၏ အလိုတော်နှင့် အကိုက်ညီဆုံးသော လူများ ဖြစ်သင့်သည်ဟု ကျွန်မ အမြဲ တွေးထင်ခဲ့ပါသည်။ သခင် ပြန်ကြွလာသည့်အခါသူတို့က သခင့်ကို တကယ်ကြိုဆိုနိုင်ကြလိမ့်မည်ဟု ကျွန်မ အမြဲတွေးခဲ့သည်။ သခင်ပြန်ကြွလာသည့် သတင်းကို သင်းအုပ်ဆရာက ကြားသည့်အချိန်တွင် ထိုအရာကို သူက မရှာဖွေ သို့မဟုတ် မလေ့လာမဆန်းစစ်ရုံသာမက အလွန်မာနထောင်လွှားလာပြီး မိမိကိုယ်ကိုယ် ကြီးကျယ်လာကာ သူ၏ အယူအဆများနှင့် စိတ်ကူးများကို ခေါင်းမာမာနှင့် ဖက်တွယ်လိမ့်မည်ကိုလည်းကောင်း၊ ဘုရားသခင်နှင့် ဘုရားသခင်၏ နောက်ဆုံးသော ကာလ အမှုတော် နှစ်ခုလုံးကို သူဝေဖန်ပြီး ရှုတ်ချလိမ့်မည်ကိုလည်းကောင်း ကျွန်မ လုံးဝ စိတ်မကူးခဲ့ဖူးပါ။ သူသည် လုံးဝ ဘုရားကို ကြောက်ရွံ့သည့်စိတ်နှလုံးကင်းမဲ့ပါသည်။ ထိုမျှပင်ဖြစ်သောကြောင့် “သိုးစုကို ကာကွယ်နေ” သကဲ့သို့ ဟန်ဆောင်ပြီး သူ၏ ကိုယ်ပိုင် အဆင့်အတန်းနှင့် အသက်မွေးမှုတို့ကို ထိန်းသိမ်းဖို့ရန်အတွက်သက်သက်ဖြင့် သူသည် ယုံကြည်သူများ ဘုရားသခင်၏ နောက်ဆုံးသောကာလ အမှုတော်ကို လေ့လာဆန်းစစ်ခြင်းအား နှောင့်ယှက်ပြီး တားဆီးလေသည်။ ဘုရားသခင်၏ နောက်ဆုံးသော ကာလ အမှုတော်ကို လက်ခံကြသည့် ယုံကြည်သူများကို၊ သင်းအုပ်ဆရာများနှင့် အကြီးအကဲများက ခြိမ်းခြောက်ဖို့ နှင့် သူတို့ကို ကြောက်လှန့်စေဖို့ နှင်ထုတ်ခြင်းကို အသုံးချခဲ့ကြပြီး၊ သူတို့၏ ညီအစ်ကို မောင်နှများကို သူတို့မှ ဧဝံဂေလိတရား မဟောနိုင်ကြဖို့ရန်အလို့ငှာ သူတို့အသင်းတော်က အခြားသော ညီအစ်ကို မောင်နှမများက သူတို့ကို ပစ်ပယ်အောင် လုပ်ကြလေသည်။ သူတို့သည် အလွန်ဆိုးကြပြီး မလိုမုန်းထားမှုရှိကြသည်။ သူတို့၏ ရာထူးများနှင့် အသက်မွေးမှုများကို ထိန်းသိမ်းဖို့ရန်အလို့ငှာ၊ ယေရှု၏ အချိန်ကာလက ဖာရိရှဲတို့သည် သခင့်ကို လွန်လွန်ကဲကဲ အာခံကာ ရှုတ်ချခဲ့ကြပြီး သူ့ကို ကားတိုင်ပေါ်တွင် ကားစင်တင်ခဲ့ကြသည်။ ယနေ့ခေတ် သင်းအုပ်ဆရာများနှင့် အကြီးအကဲများသည် ဖာရိရှဲများကဲ့သို့သော အနှစ်သာရများ တစ်ထေရာတည်း ရှိကြသည။သူတို့သည် ဘုရားသခင်၏ နောက်ဆုံးသော ကာလ အမှုတော်အားဖြင့် ဖော်ထုတ်ခံရသည့် အန္တိခရစ်များ ဖြစ်ကြပြီး လူ၏ ဝိညာဉ်ကို ဝါးမြှိုကြသည့် နတ်ဆိုးများ ဖြစ်ကြသည်။ ထိုအခိုက်အတန့်တွင်၊ တစ်စုံတစ်ဦးက ဘုရားသခင်ကို ယုံကြည်သော်လည်း ဘုရားသခင်ကို မသိသလို ဘုရားသခင်၏ အမှုတော်ကို မသိသည့်အခါ၊ မည်မျှပင် သူတို့က ဒုက္ခခံစားရပုံပေါ်ပါစေ သို့မဟုတ် မိမိတို့ကိုယ်ကိုယ် မည်မျှပင် အသုံတော်ခံပုံပေါ်ပါစေ၊ ဘုရားသခင်ကို သူတို့ အမြဲသာ အာခံကြပြီး သူတို့၏ မာနထောင်လွှားပြီး စိတ်ကြီးဝင်သည့် ဆိုးယုတ်သော စိတ်သဘောထားအပေါ် မှီခိုခြင်းဖြင့် ဘုရားသခင်၏ စိတ်သဘောထားကို ပုန်ကန်ပြစ်မှားကြသည်ကို နောက်ဆုံးတွင် ကျွန်မ လုံးဝ နားလည်သဘောပေါက်ခဲ့သည်။

ထိုအခိုက်အတန့်တွင်၊ ကျွန်မနှလုံးသားထဲတွင် ဘုရားသခင်ထံ ကျေးဇူးတင်ရှိခြင်းကို ဖော်ပြပြီး မချီးမွမ်းဘဲ မနေနိုင်ခဲ့ပါ။ ပြန်စဉ်းစားကြည့်သည့်အခါ၊ ကျွန်မသည် သင်းအုပ်ဆရာများနှင့် အကြီးအကဲတို့၏ သူတော်ကောင်းယောင်ဆောင်သော အသွင်အပြင်အားဖြင့် လှည့်ဖြားခံခဲ့ရပြီး သူတို့ကို အမြဲ ပုဂ္ဂိုလ်ရေးကိုးကွယ်မိခဲ့သည်။ သူတို့နောက်လိုက်ပြီး နာခံခဲ့သည်။ ပြီးလျှင် သခင့်ကို ကြိုဆိုခြင်းကိစ္စတွင်၊ သူတို့နှင့် သဘောတူခဲ့ပြီး ဘုရားသခင်ကို အာခံခဲ့ပါသည်။ သူတို့သည် မည်သို့သောသူများဖြစ်သည်ကို ဘုရားသခင်မှ ဖော်ထုတ်ပြခြင်းက ကျွန်မကို သင်းအုပ်ဆရာများနှင့် အကြီးအကဲများ၏ သမ္မာတရားကို မုန်းတီးခြင်း၊ ဘုရားသခင်ကို မုန်းတီးသော နတ်ဆိုးဆန်သည့် အနှစ်သာရတို့ကို နောက်ဆုံးတွင် မြင်တွေ့ခွင့်ပေးခဲ့ပါသည်။ ထို့နောက် ကျွန်မ၏ ဝိညာဉ်အတွက် သူတို့ ချထားသည့် ထောင်ချောက်ကို ကျွန်မ ကျော်ဖြတ်နိုင်ခဲ့ပြီး သခင်၏ ပြန်ကြွလာခြင်းကို ကြိုဆိုနိုင်ခဲ့ပါသည်။ ကျွန်မကို ကယ်တင်ခြင်းအတွက် ဘုရားသခင်ကို အမှန်တကယ် ကျေးဇူးတင်မိပါသည်။ ပြီးလျှင် ဘုရားသခင်၏ ချစ်ခြင်းမေတ္တာကို ပြန်ဆပ်ရန်အလို့ငှာ ဘုရားသခင်၌ ကျွန်မ၏ ယုံကြည်ခြင်းရှေ့တွင်ရှိသည့် လမ်းကြောင်းပေါ်တွင် သမ္မာတရားကို လေးလေးနက်နက် လေ့လာလိုက်စားဖို့ ကျွန်မ ဆန္ဒရှိပါသည်။