ကျွန်မစားပွဲပေါ်မှာ နှိုးစက်နာရီက ည ၁၁ နာရီ ၅မိနစ်ဟု ပြနေခဲ့သည်။ ညတိုင်းအိပ်ရာမဝင်မီအချိန်တွင် ကျွန်မသည် နှုတ်ကပတ်တော် ကျမ်းစာပိုဒ် တစ်ပိုဒ်ကို ဖတ်လေ့ရှိသည့် အကျင့် တစ်ခု ရှိခဲ့သည်။ ပုံမှန်အားဖြင့် ကျွန်မသည် ဤအချိန်တွင် ကျမ်းပိုဒ်တစ်ခုကို ဖတ်ရှုပြီးဖြစ်ကာ၊ အိပ်စက်နေလောက်ပြီ ဖြစ်သော်လည်း ဤညတွင်မူ ကျွန်မသည် ကျမ်းစာပိုဒ်တစ်ခု အားဖြင့် ဦးနှောက်ခြောက်နေခဲ့သည်။
ဗျာဒိတ်ကျမ်း ၃:၁၂ တွင် “အကြင်သူသည် အောင်မြင်၏။ ထိုသူကို ငါသည်ငါ၏ဘုရား သခင်ဗိမာန်တော်၌ တိုင်ဖြစ်စေမည်။ နောင်တဖန်သူသည်ပြင်သို့ မရွေ့ရ။ ငါ၏ ဘုရားသခင် နာမတော်ကို၎င်း၊ ငါ၏ဘုရားသခင့်အထံတော် မှထွက်၍၊ ကောင်းကင်ဘုံမှ ဆင်းသက်သော ယေရုရှလင် မြို့သစ် တည်းဟူသော၊ ငါ၏ဘုရားသခင် မြို့တော်၏ နာမကို၎င်း၊ ငါ၏နာမသစ်ကို၎င်း၊ ထိုသူအပေါ်၌ ငါသည် အက္ခရာတင်မည်။” ဟုပြောထားသည်။ ဤကျမ်းပိုဒ်ကို ယခင်က ကျွန်မအကြိမ်ပေါင်းများစွာ ဖတ်ရှုဖူး သော်လည်း၊ ဤညတွင် ကျွန်မမျက်လုံးများသည် “ငါ၏နာမသစ်” ဆိုသည့် စကားလုံးဖြင့် တန့်နေကာ ဤစကားလုံးသည် ကျွန်မကို ဦးနှောက်ခြောက်စေသည်။ “ငါ၏နာမသစ်” ဆိုသည့် စကားသည် နောက်ဆုံးသောကာလတွင် ကိုယ်တော်ပြန်ကြွလာ သည့်အချိန်တွင် သခင်ယေရှုသည် နာမတော်အသစ်ရှိမည်ဟု ဆိုလို ခြင်းလေလားဟု ကျွန်မ တွေးဆမိသည်။ သို့သော်လည်း ဟေဗြဲသြဝါဒစာတွင် “ယေရှုခရစ်သည် မနေ့၊ ယနေ့၊ နောင်ကာလ အစဉ်အမြဲ မပြောင်းမလဲနေတော်မူ၏။” (ဟေဗြဲ ၁၃:၈) ဟု ဆိုထားသည်။ သခင်ယေရှု၏ နာမတော်သည် မပြောင်းလဲနိုင်ပါ။ သို့ပါက ဗျာဒိတ်ကျမ်းတွင် “ငါ၏နာမသစ်”ဆိုသည့် စကားသည် မည်သည့်အရာကို ဆိုလိုသနည်း။ နောက်ဆုံးသောကာလ၌ ကိုယ်တော်ပြန်ကြွလာသည့် အခါတွင် သခင်ယေရှု၏ နာမတော် ပြောင်းလဲမည်ဟု ဆိုထားခြင်း ဖြစ်နိုင်ပါသလား။
ကျွန်မနှိုးစက်နာရီ ပေါ်မှ စက္ကန့်လက်တံသည် “တစ် တစ် တစ်” ဟု တစ်ချက်ပြီးတစ်ချက် လည်ပတ်ရွေ့လျားနေသည်။ အချိန် များစွာ ကြာပြီးနောက်လည်း၊ ကျွန်မ ၎င်းကို အဖြေမရှာနိုင်သေး ပါ။ ကျွန်မ ကောင်းကင်နိုင်ငံဝင်ရောက်ခြင်း ၏ အရေးကြီးသည့် ကိစ္စနှင့် တိုက်ရိုက်ပတ်သက်နေသောကြောင့် ဤမေးခွန်းကို ပေါ့ပေါ့ဆဆ မှတ်ယူ၍မရပါ။ ကျွန်မသည် အဖြေကို ရှာဖွေပြီး၊ နားလည်သဘောပေါက်ရမည်။ “အိုဘုရားသခင်၊ ကျေးဇူးပြုပြီး ကျွန်မကို အသိဉာဏ်ပွင့်လင်းစေပြီး၊ လမ်းပြတော်မူပါ၊...” ဟု ကျွန်မနှလုံးသားတွင် တိတ်ဆိတ်စွာ ဆုတောင်းပြီး သခင့်ထံသို့ ထိုမေးခွန်းကို ယုံကြည်စွာအပ်နှံခဲ့ပါသည်။
နောက်တစ်နေ့တွင် မိုးချုပ်လာသည့်အချိန်တွင်ပင်၊ တရုတ်ပြည် အခြားဒေသများတွင် ဧဝံဂေလိတရားတော် ဟောကြားနေသည့် အတန်းဖော်ဟောင်းတစ်ဦးဖြစ်သည့် ဝမ်းဖန်းက ကျွန်မကို ရုတ်တရက် ဖုန်းခေါ်ဆိုလာခဲ့သည်။ သူမက စကားစမြည်ပြောရန် လာလိုသည်ဟု ပြောခဲ့သည်။ ကျွန်မဖုန်းချလိုက်သည့်အချိန်တွင်၊ ကျွန်မ အလွန်ပျော်ရွှင်မိပြီး၊ ကျွန်မမေးခွန်းအတွက် အဖြေကို ကျွန်မ အတန်းဖော်ဟောင်းထံမှ ရှာနိုင်လိမ့်မည်ဟု မိမိဘာသာ တွေးမိ ပါသည်။
ကျွန်မဧည့်ခန်းထဲတွင် ဝမ်းဖန်း နှင့် ကျွန်မတို့သည် ဆိုဖာပေါ်တွင်ထိုင်ကာ၊ သူမအား ကျွန်မနှလုံးသားတွင် ထဲမှ စိတ်ရှုပ်ဖွယ်ရာများအကြောင်း အားလုံး ပြောပြခဲ့သည်။
နားထောင်ပြီးနောက်၊ ကျွန်မ အတန်းဖော်ဟောင်းက ကျွန်မကို “ဟွေချန်း၊ ဘုရားသခင်ရဲ့ နာမတော်က မပြောင်းလဲနိုင်ဘူးလို့ နင်ကပြောတယ်နော်၊ ဒါ့ကြောင့် ငါနင့်ကို မေးပါရစေ၊ ဓမ္မဟောင်းကျမ်းမှာ ဘုရားသခင်ရဲ့ နာမတော်က ဘာလဲ” ဟု ပြောလိုက်သည်။
တွေဝေတုံ့ဆိုင်းမှု တစ်စုံတစ်ရာမရှိပဲနှင့် ကျွန်မက “ယေဟောဝါ” ဟု ဖြေခဲ့ပါသည်။
“ပြီးတော့ ဓမ္မသစ်ကျမ်းမှာ ဘုရားသခင်ရဲ့ နာမတော်က ဘာလဲ” ဟု ဝမ်းဖန် က မေးခဲ့သည်။
“ယေရှု။”
ပြုံးရင်းဖြင့် ဝမ်းဖန်းက ကျွန်မကို ကြည့်ကာ “ဒါဆို ဘုရားသခင်ရဲ့ နာမတော်က မပြောင်းလဲဘူးလား” ဟု ပြောခဲ့သည်။
ဝမ်းဖန်း၏ မေးခွန်းကြောင့် ကျွန်မက အကျပ်ရိုက်သွားသည်။ ၎င်းသည် မဖြစ်နိုင်ပါ...ဖြစ်နိုင်ပါသလား။ ဘုရားသခင်၏ နာမတော်သည် ဓမ္မဟောင်းကျမ်းမှ ဓမ္မသစ်ကျမ်းသို့ ပြောင်းလဲသွားခဲ့ပြီး၊ ယေဟောဝါဆိုသည့် နာမတော်သည် ယေရှုဖြစ်လာခဲ့သည်။ ထိုသည်မှာ အမှန်ပင် ဖြစ်ပါက၊ ဘုရားသခင်၏ နာမတော်သည် ထာဝရပြောင်းလဲခြင်းမရှိသည်မှာ မဟုတ်ပါ။...
ပြုံးနေဆဲ ဝမ်းဖန်းသည် ကျွန်မကို ကြည့်ရင်း “ဟွေးချန်း၊ ငါနင့်ကို ကျမ်းပိုဒ် တစ်ချို့ဖတ်ပြမယ်၊ ပြီးတော့ နင်နားလည်လာလိမ့်မယ်” ဟု ပြောခဲ့သည်။ ဤသို့ပြောရင်းသူမ အိတ်ထဲမှ လက်ကိုင်ဖုန်းကို ထုတ်လိုက်ကာ၊ သူမရှာနေသည်ကို မတွေ့မချင်း ဖုန်းမျက်နှာပြင် ကို ဘေးသို့ဆွဲ နေပြီးနောက် “ဘုရားသခင်သည် မူလအစက နာမ မရှိခဲ့သည်ကို...။ သူသည် လုပ်ဆောင်ရမည့် အမှုရှိခဲ့ပြီး လူသားမျိုးနွယ်ကို စီမံခန့်ခွဲရမည်ဖြစ်သောကြောင့်၊ သူသည် နာမ တစ်ခု၊ သို့မဟုတ် နှစ်ခု၊ သို့မဟုတ် နာမများစွာကို ယူခဲ့ရခြင်းသာ ဖြစ်သည်။” (ဘုရားသခင့်အမှုတော်၏ ရူပါရုံ (၃)) “‘ယေဟောဝါ’ ဆိုသည်မှာ ဣသရေလ၌ ငါအမှုပြုသည့် အတောအတွင်း ငါခံယူခဲ့သောနာမ ဖြစ်ပြီး ယင်းမှာ လူသားအပေါ် သနားညှာတာနိုင်သူ၊ လူသားကို ကျိန်ဆဲနိုင်ပြီး၊ လူသား၏ဘဝကို လမ်းပြပေးနိုင်သည့် ဣသရေလလူမျိုးများ (ဘုရားသခင် ရွေးချယ်ထားသောလူမျိုး)၏ ဘုရားသခင်ဟု အဓိပ္ပာယ်ရသည်။ ကြီးမြတ်သော တန်ခိုးကို ပိုင်ဆိုင်ပြီး ဉာဏ်ပညာနှင့် ပြည့်ဝသည့် ဘုရားသခင် ဖြစ်သည်။ ‘ယေရှု’ သည် ဧမာနွေလဖြစ်ပြီး၊ ယင်းက ချစ်ခြင်းမေတ္တာနှင့် ပြည့်ဝသည့်၊ သနားခြင်းကရုဏာဖြင့် ပြည့်ဝသကဲ့သို့ လူသားကို ရွေးနုတ်သည့် အပြစ်ဖြေရာယဇ်ဟု ဆိုလိုသည်။ သူသည် ကျေးဇူးတော်ခေတ်၏ အမှုကို လုပ်ဆောင်ခဲ့ကာ၊ ကျေးဇူးတော်ခေတ်ကို ကိုယ်စားပြုပြီး၊ စီမံခန့်ခွဲခြင်း အစီအစဉ်နှင့်ဆိုင်သော အမှု၏ တစ်စိတ်တစ်ဒေသကိုသာ ကိုယ်စားပြုနိုင်သည်။...ခေတ်အသီးသီးနှင့် အမှု၏ အဆင့်အသီးသီးတွင်၊ ငါ၏နာမသည် အခြေအမြစ်ကင်းမဲ့ခြင်း မရှိဘဲ၊ အရေးပါမှုကို ကိုယ်စားပြု ထိန်းသိမ်းပေသည်- အမည်နာမ အသီးသီးက ခေတ်တစ်ခုကို ကိုယ်စားပြုသည်။ ‘ယေဟောဝါ’ သည် ပညတ်တော်ခေတ်ကို ကိုယ်စားပြုပြီး၊ ဣသရေလလူမျိုးများ ကိုးကွယ်ကြသော ဘုရားသခင်အတွက် ဂုဏ်ပြုသော အမည်နာမ ဖြစ်သည်။ ‘ယေရှု’ သည် ကျေးဇူးတော်ခေတ်ကို ကိုယ်စားပြုပြီး ကျေးဇူးတော်ခေတ် အတွင်း ရွေးနုတ်ခံခဲ့ရသူ အားလုံး၏ ဘုရားသခင်၏နာမ ဖြစ်သည်။” (ကယ်တင်ရှင်သည် “ဖြူသောမိုးတိမ်” စီးလျက် ပြန်ကြွလာနှင့်ပြီးဖြစ်သည်) ဟု ဖတ်ပြသည်။
ထို့နောက်တွင် ဝမ်းဖန်းက “ဘုရားသခင်က လူသားမျိုးနွယ်ကို ကယ်တင်ဖို့ သူ့အမှုတော်ကိုပြုဖို့ရာ မစတင်ခင်မှာ ကိုယ်တော်မှာ ဘာနာမတော်မှ မရှိပေမဲ့ ရိုးရိုးရှင်းရှင်းလေးပဲ ဖန်ဆင်းရှင်၊ ဘုရားသခင် လို့ဖြစ်တယ်ဆိုတာကို ဒီကျမ်းပိုဒ် နှစ်ခုကနေပြီး ငါတို့နားလည်နိုင်တယ်။ လူသားမျိုးနွယ်က စာတန်အားဖြင့် ဖောက်ပြန်ပျက်စီးပြီးနောက်မှာ၊ ဘုရားသခင်က လူသားမျိုးနွယ် ကို ကယ်တင်ဖို့ သူ့အမှုတော်ကို စတင်ခဲ့တဲ့အပြင်၊ အဲဒီနောက်မှာမှ သူက နာမတော်တစ်ခုကို ခံယူတော်မူခဲ့တယ်။ မောရှေကို အဲဂုတ္တုပြည်က ဣသရေလလူမျိုးတွေကို ဦးဆောင်ခေါ်ထုတ်သွား ဖို့ ဘုရားသခင်က ခေါ်ဆောင်တဲ့အချိန်မှာသာလျှင် ဘုရားသခင်က ယေဟောဝါဆိုတဲ့ နာမတော်ကို ယူခဲ့တယ်။ သမ္မာကျမ်းစာမှာ ‘မောရှေကလည်း၊ ကြည့်ပါလော့၊ ကျွန်ုပ်သည် ဣသရေလအမျိုးသားတို့ထံသို့ ရောက်ပြီး သင်တို့ ဘိုးဘေးများ၏ ဘုရားသခင်သည် သင်တို့ထံသို့ ငါ့ကို စေလွှတ်တော်မူသည်ဟု ကျွန်ုပ်ဆိုလျှင် သူ၏အမည်နာမမှာ အဘယ်နည်းဟု သူတို့ပြောသောအခါ မည်သည့်အရာကို ကျွန်ုပ်ပြောရပါမည်နည်းဟု ဘုရားသခင်ကို ဆို၏။ ဘုရားသခင်ကလည်း မောရှေအား၊ ငါသည် ငါဖြစ်၏၊ သင်သည် ဣသရေလအမျိုးသားတို့ကို ဆိုရမည်မှာ ငါဖြစ်သည်ဟူသောသူသည် သင်တို့ထံသို့ ငါ့ကို စေလွှတ်တော်မူသည်ဟု ပြောလော့ဟုဆို၏။ ထို့အပြင် ဘုရားသခင်က မောရှေအား မိန့်တော်မူသည်မှာ၊ သင်တို့ ဘိုးဘေးများ၏ ဘုရားသခင်၊ အာဗြဟံ၏ ဘုရားသခင်၊ ဣဇက်နှင့် ယာကုပ်တို့၏ ဘုရားသခင် ယေဟောဝါသည် သင်တို့ထံသို့ ငါ့ကို စေလွှတ်တော်မူသည်ဟု ပြောရမည်၊ ဤသည်မှာ အစဉ်အမြဲ ငါ၏ အမည်နာမဖြစ်ပြီး လူမျိုးဆက်အားလုံးအဖို့ ငါ၏ အထိမ်းအမှတ်ဖြစ်၏။' (ထွက်မြောက်ရာ ၃:၁၃-၁၅) လို့ မှတ်တမ်းတင်ထားတယ်။ အဲဒီနောက်မှာ ဘုရားသခင်က ပညတ်တော်ခေတ်ရဲ့ အမှုတော်ကို စဖို့၊ ဣသရေလလူမျိုးတွေကို အဲဂုတ္တပြည်က ဦးဆောင်ခေါ်ထုတ်ဖို့ နဲ့ ပင်လယ်နီကို ကျော်ဖြတ်ဖို့၊ တောထဲမှာ သူတို့ရဲ့ အသက်တာတွေကို မိုးတိမ်တိုင်တွေ၊ မီးတိုင်တွေနဲ့ လမ်းပြဖို့ ယေဟောဝါဆိုတဲ့ နာမတော်ကို အသုံးပြုခဲ့တယ်လို့ ကျမ်းစာထဲမှာ မှတ်တမ်းတင်ထားတယ်။ ကိုယ်တော်က သူတို့ကို စားသုံးဖို့ မန္နနဲ့ ငုံးတို့ကို ပေးခဲ့တယ်၊ ကိုယ်တော် ပညတ်တော်နဲ့ တရားတော်တွေ ကို သိဒုံတောင်ပေါ်မှာ ကြေငြာဖို့ မောရှေကို အသုံးပြု တော်မူခဲ့တဲ့အပြင်၊ ကမ္ဘာပေါ်မှာ အသက်ရှင်နေထိုင်ပုံ နဲ့ ဘုရားသခင်ကို ဝတ်ပြုကိုးကွယ်ပုံတို့ကို သင်ယူဖို့ ဣသရေလ လူမျိုးတွေကို လမ်းပြတော်မူခဲ့တယ်။ တရားတော်နဲ့ ပညတ်တော် အတိုင်း ကျင့်ကြံနေထိုင်သူတွေက ယေဟောဝါ ဘုရားသခင်ရဲ့ ကောင်းကြီးမင်္ဂလာတွေကို လက်ခံရရှိပြီး၊ တရားတော်နဲ့ ပညတ်တော်ကို ချိုးဖောက်သူတွေက အပြစ်ဒဏ်ပေးခြင်း ခံခဲ့ရ ပါတယ်။ ယေဟောဝါဆိုတဲ့ အမည်က ပညတ်တော်ခေတ်အတွက် တိကျတဲ့ နာမတော်တစ်ခုဖြစ်ပြီး၊ အဲဒီနာမတော်က သနားကရုဏာ သက်ပြီး၊ ကျိန်စာတိုက်တဲ့ ဘုရားသခင်ရဲ့ စိတ်သဘောထား နှစ်ခုလုံး အနေနဲ့ ကိုယ်စားပြုပါတယ်။
“ပညတ်တော်ခေတ် အဆုံးသတ်မှာ လူသားတွေက စာတန် အားဖြင့် ပိုပိုပြီး နက်ရှိုင်းစွာ ဖောက်ပြန်ပျက်စီးလာခဲ့တယ်။ ဘယ်သူမှ ပညတ်တော်ကို လုံးဝ ထိန်းချုပ်နိုင်စွမ်း မရှိတော့တဲ့ အပြင်၊ အားလုံးက ပညတ်တော်အားဖြင့် သေဒဏ်ပေးခြင်း ခံရဖို့ ဘေးအန္တရာယ် အမြဲရှိနေပါတယ်။ ဒါပေမဲ့ ဘုရားသခင်က လူတွေကို သနားကရုဏာဖြစ်တော်မူတယ်၊ လူသားမျိုးနွယ်ကို ကယ်တင်ဖို့ဆိုပြီး ယေဟောဝါ ဆိုတဲ့ နာမတော်ကို ယူခဲ့တဲ့ ပညတ်တော်ခေတ်ကို အဆုံးသတ်လိုက်ပြီး၊ လူ့ဇာတိကိုခံယူကာ၊ သခင်ယေရှုဆိုတဲ့ အမည်နဲ့ ရွေးနှုတ်ခြင်းခေတ်ရဲ့ အမှုတော်ကို စတင်ခဲ့တယ်။ သခင်ယေရှုက ကိုယ်တော်သွားရာနေရာတိုင်းမှာ တရားဟောကြားပြီး၊ ကောင်းကင်နိုင်ငံတော်က တည်လုနီးဖြစ် တဲ့အပြင်၊ သူတို့တွေ ဝန်ချတောင်းပန်သင့်ကြောင်း လူတွေက မိန့်တော်မူခဲ့တယ်။ ကိုယ်တော်က အံ့ဖွယ်အမှုတွေ အများကြီးကို ပြုခဲ့တဲ့အပြင်၊ လူနူတွေကို အနာငြိမ်းစေခြင်း၊ ခြေမသန်သူတွေကို လမ်းလျှောက်စေတဲ့အပြင်၊ မျက်မမြင်ကို ပြန်မြင်လာစေခြင်း နဲ့၊ သေနေတဲ့ လူတွေကို တစ်ဖန်ပြန်ရှင်လာစေခြင်း စတာတွေကို လည်း ပြုတော်မူခဲ့တယ်။ လူတွေက သခင့်ကို နောက်လိုက် တဲ့အပြင်၊ ကိုယ်တော်ရဲ့ ရွေးနှုတ်ကယ်တင်ခြင်းကို လက်ခံပြီး၊ ကိုယ်တော့်နာမတော်အားဖြင့် ဆုတောင်းသမျှ ကာလ ပတ်လုံး၊ သူတို့အပြစ်တွေကလွှတ်ခြင်း ခံရတဲ့အပြင်၊ သူတို့တွေက တရားတော်အားဖြင့် သေဒဏ်ပေးခြင်းကို လုံးဝ မခံကြရတော့ဘူး။ ကျေးဇူးတော်ခေတ်မှာ ဘုရားသခင်ရဲ့ နာမတော်က ယေဟောဝါ ကနေ ယေရှုအဖြစ်သို့ ပြောင်းလဲခဲ့တဲ့အပြင်၊ သခင်ယေရှု ဖော်ပြတဲ့ စိတ်သဘောထားက ချစ်ခြင်းမေတ္တာပြည့်ဝတဲ့ ကြင်နာခြင်း နဲ့ သနားကရုဏာတို့ကို ထိပ်ဆုံးက အဓိကထားရှိခဲ့တယ်။ ဘုရားသခင်က အမှုတော်အဆင့်အသစ်ကို ပြုတော်မူပြီး၊ ခေတ်သစ်တစ်ခုကို စတင်ချိန်တိုင်းမှာ၊ အဲဒီခေတ်တစ်ခုမှာ ကိုယ်တော် ပြုတော်မူမဲ့ အမှုတော်ကို ကိုယ်စားပြုပြီး၊ အဲဒီခေတ်က ကိုယ်တော်ရဲ့ စိတ်သဘောထားကို ဖော်ပြမဲ့ ခေတ်တစ်ခေတ်ရဲ့ ထူးခြားချက် တစ်ခုကို ပိုင်ဆိုင်တဲ့ နာမတော်တစ်ခုကို ကိုယ်တော့် နာမတော်အဖြစ် ပြောင်းလဲ ခံယူခဲ့တာဖြစ်တယ်လို့ ဒါက ငါတို့ကို တွေ့မြင်စေခဲ့တယ်” ဟု မိတ်သဟာယပြုခဲ့ပါသည်။
ကျွန်မက ခေါင်းညိတ်ပြီး “အို၊ ဒါဆိုဘုရားသခင်ရဲ့ နာမတော်က ကိုယ်တော်ရဲ့ အမှုတော်နဲ့ တကွ ပြောင်းလဲနေတာပေါ့။ နာမတော် တစ်ခုက ခေတ်တစ်ခုနဲ့ ဘုရားသခင်ရဲ့ အမှုတော်အဆင့် တစ်ခု ကိုသာ ကိုယ်စားပြုနိုင်တာပေါ့။ ခေတ်ပြောင်းလဲပြီး၊ ဘုရားသခင် ရဲ့ အမှုတော်ပြောင်းလဲတဲ့အပြင်၊ ဘုရားသခင်ရဲ့ နာမတော်က လည်း အဲဒါနဲ့အတူ ပြောင်းလဲနေတာပေါ့။ ယေဟောဝါဆိုတဲ့ နာမတော်က ပညတ်တော်ခေတ်ကို သတ်မှတ်တဲ့ နာမတော်ဖြစ် တဲ့အပြင်၊ ကိုယ်တော်က ရွေးနှုတ်ခြင်း အမှုတော်ကို ပြုနေတဲ့ အချိန်မှာ သခင်ယေရှုက ကျေးဇူးတော်ခေတ်မှာ ဘုရားသခင် ခံယူတော်မူခဲ့တဲ့ နာမတော်ဖြစ်ပါတယ်။ ပညတ်တော်ခေတ် အဆုံး မှာ လူတွေက ပညတ်တော်ကို လုံးဝ ထိန်းသိမ်းကျင့်ကြံ နိုင်စွမ်း မရှိတော့လို့ ဘုရားသခင်က ကိုယ်တော်ရဲ့ နာမတော်ကို ယေဟောဝါမှနေ သခင်ယေရှုအဖြစ် ပြောင်းလဲတော်မူခဲ့တယ်၊ ပြီးတော့ ဘုရားသခင်က ကျေးဇူးတော်ခေတ်မှာ လူသားမျိုးနွယ်ကို ရွေးနှုတ်ခြင်း အမှုတော်ကို ပြုမဲ့အချိန်မှာသာ ကိုယ်တော်က ကိုယ်တော့်နာမတော်ကို ပြောင်းခဲ့တာဖြစ်တယ်။ ငါဒါကို နားလည်တာ မှန်ရဲ့လား ဝမ်းဖန်း”ဟု ပြောခဲ့သည်။
ဝမ်းဖန်းက ပြုံးရင်းဖြင့် သူမခေါင်းကို ညိတ်ကာ၊ “ဟုတ်တယ်လေ။ အဲဒါမှန်ပါတယ်။ နင်သဘောပေါက်ပြီ” ဟု ပြောခဲ့လေသည်။
သို့သော်လည်း အနည်းငယ် ဦးနှောက်ခြောက်နေဆဲ ဖြစ်သည်ဟု ခံစားရသောကြောင့် ကျွန်မက “ဒါဆို ‘ယေရှုခရစ်သည် မနေ့၊ ယနေ့၊ နောင်ကာလ အစဉ်အမြဲ မပြောင်းမလဲနေတော်မူ၏။' (ဟေဗြဲ သြဝါဒစာ ၁၃:၈) ဆိုတဲ့ ဒီနှုတ်ကပတ်တော်တွေက ဟေဗြဲသြဝါဒစောင်မှာ ဘာကို ဆိုလိုတာလဲ။ အဲဒါက ဘုရားသခင်ရဲ့ နာမတော်ကို ညွှန်းဆိုတာ မဟုတ်ဘူးလား။ ဒီနှုတ်ကပတ်တော်ရဲ့ ကျမ်းပိုဒ်ကို ငါဘယ်လို နားလည်ရမလဲ။” ဟု ပြောလိုက်သည်။
ဝမ်းဖန်းက ဆက်ပြုံးနေပြီး၊ ဖြေးညှင်းအေးဆေးစွာဖြင့် “ကျမ်းပိုဒ် နဲနဲပိုပြီး ဖတ်ကြည့်ကြရအောင်၊ ပြီးတော့ အဲဒီနောက်မှာ ငါတို့ နားလည်သဘောပေါက် လာလိမ့်မယ်၊ ‘ဘုရားသခင်သည် မပြောင်းလဲနိုင်ဟု ပြောသူများရှိသည်။ ယင်းမှာ မှန်ပေ၏၊ သို့သော် ယင်းမှာ ဘုရားသခင်၏ စိတ်သဘောထားနှင့် သူ၏ အနှစ်သာရ မပြောင်းလဲနိုင်ခြင်းကို ရည်ညွှန်းပေသည်။ သူ၏ နာမနှင့် အမှုတွင် ပြောင်းလဲခြင်းသည် သူ၏ အနှစ်သာရ ပြောင်းလဲသွားပြီဟု သက်သေမပြပေ။ တစ်နည်းအားဖြင့်၊ ဘုရားသခင်သည် အစဉ်အမြဲ ဘုရားသခင်ဖြစ်လိမ့်မည်ဖြစ်ပြီး၊ ဤသည်မှာ မည်သည့်အခါမှ မပြောင်းလဲလိမ့်မည်မဟုတ်။ အကယ်၍ သင်က ဘုရားသခင်၏ အမှုသည် ပြောင်းလဲခြင်းမရှိဟု ဆိုပါက၊ သူသည် သူ၏ နှစ်ခြောက်ထောင် စီမံခန့်ခွဲမှု အစီအစဉ်ကို အပြီးသတ်နိုင်မည်လော။ ဘုရားသခင်သည် ထာဝရ ပြောင်းလဲခြင်းမရှိကြောင်းကိုသာ သင်သိသော်လည်း၊ ဘုရားသခင်သည် အစဉ်အမြဲ အသစ်ဖြစ်ပြီး မည်သည့်အခါမျှ မအိုဟောင်းသည်ကို သင်သိပါသလော။ ဘုရားသခင်၏ အမှုသည် မပြောင်းလဲပါက၊ သူသည် လူသားမျိုးနွယ်ကို မျက်မှောက်ခေတ်ထိ တစ်လျှောက်လုံး ဦးဆောင်လျှင် ဦးဆောင်နိုင်ခဲ့သည် မဟုတ်လော။ ဘုရားသခင်သည် မပြောင်းလဲနိုင်ပါက၊ သူ ခေတ်နှစ်ခေတ်၏ အမှုကို လုပ်ဆောင်နှင့်ပြီး ဖြစ်သည်မှာ အဘယ်ကြောင့် ဖြစ်သနည်း။...သို့ဖြစ်ရာ “ဘုရားသခင်သည် အစဉ်အမြဲ အသစ်ဖြစ်ပြီး မည်သည့်အခါမျှ အိုဟောင်းခြင်းမရှိ။” ဆိုသည့် စကားများမှာ သူ၏ အမှုကို ရည်ညွှန်းပြီး “ဘုရားသခင်သည် ပြောင်းလဲခြင်းမရှိ” ဆိုသည့် စကားများမှာ ဘုရားသခင်၏ ပင်ကိုအားဖြင့် အရာအားလုံးနှင့် ဖြစ်ခြင်းကို ရည်ညွှန်းပေသည်။’ ‘ဘုရားသခင်၏ ဉာဏ်ပညာ၊ ဘုရားသခင်၏ အံ့ဖွယ်ဖြစ်ခြင်း၊ ဘုရားသခင်၏ ဖြောင့်မတ်ခြင်းနှင့် ဘုရားသခင်၏ ဘုန်းအာနုဘော်သည် မည်သည့်အခါမျှ ပြောင်းလဲမည်မဟုတ်ပေ။ သူ၏ အနှစ်သာရ၊ သူ၏အရာအားလုံးနှင့် ဖြစ်ခြင်းသည် မည်သည့်အခါမျှ ပြောင်းလဲမည်မဟုတ်ပေ။ သို့သော်လည်း သူ၏ အမှုအတွက်မူ၊ သူသည် အစဉ်အမြဲ အသစ်ဖြစ်ပြီး မည်သည့်အခါမျှ အိုဟောင်းခြင်း မရှိသည့်အတွက်၊ ယင်းသည် ရှေ့သို့ ဦးတည်ချက်တစ်ခုဖြင့် အစဉ်အမြဲ တိုးတက်နေသည်၊ အစဉ်အမြဲ ပိုမို နက်ရှိုင်းနေပေသည်။ ခေတ်တိုင်းတွင် ဘုရားသခင်သည် နာမ အသစ်ကို ခံယူသည်၊ ခေတ်တိုင်းတွင် သူသည် အမှုသစ်ကို လုပ်ဆောင်ပြီး၊ ခေတ်တိုင်းတွင် သူသည် သူ၏ ဖန်ဆင်းခြင်းများကို သူ၏ အသစ်သော အလိုနှင့် အသစ်သော စိတ်သဘောထားကို မြင်ခွင့်ပေးလေသည်။' (ဘုရားသခင့်အမှုတော်၏ ရူပါရုံ (၃))
“‘ဘုရားသခင်သည် ပြောင်းလဲခြင်းမရှိ' ဆိုတဲ့နှုတ်ကပတ်တော် တွေက ဘုရားသခင်၏ စိတ်သဘောထားနဲ့ အနှစ်သာရ ပြောင်းလဲခြင်း မရှိတာကို ညွှန်းဆိုတာဖြစ်ပြီး၊ ကိုယ်တော် နာမတော် လုံးဝ မပြောင်းလဲဘူးလို့ ညွှန်းဆိုတာမဟုတ်ဘူးလို့ ဒီကျမ်းပိုဒ်နှစ်ပိုဒ် ကနေ ငါတို့တွေ့မြင်နိုင်တယ်။ ဘုရားသခင်က ကိုယ်တော်ရဲ့ လူသားမျိုးနွယ်ကို ကယ်တင်ခြင်းလမ်းစဉ် တစ်လျှောက်လုံး ဘုရားသခင်က အမှုတော်အမျိုးမျိုးကို ပြုပြီး၊ ခေတ်အမျိုးမျိုးမှာ နာမတော်အမျိုးမျိုးကို ခံယူခဲ့ပေမဲ့လဲ၊ ဘုရားသခင်ကို ယေဟောဝါ ဒါမှမဟုတ် သခင်ယေရှုလို့ပဲ ခေါ်ခေါ်၊ ကိုယ်တော်ရဲ့ အနှစ်သာရ က မပြောင်းလဲပါဘူး၊ ဘုရားသခင်က အမြဲထာဝရ ဘုရားသခင် ဖြစ်ပြီးတော့ ကိုယ်တော်ရဲ့ ဖြောင့်မတ်ခြင်း နဲ့ သန့်ရှင်းခြင်းတို့က လုံးဝမပြောင်းလဲပါဘူး။ ဒါ့ကြောင့် ‘ယေရှုခရစ်သည် မနေ့၊ ယနေ့၊ နောင်ကာလ အစဉ်အမြဲ မပြောင်းမလဲနေတော်မူ၏။' (ဟေဗြဲ သြဝါဒစာ ၁၃:၈) ဆိုတဲ့ နှုတ်ကပတ်တော်က ဘုရားသခင်ရဲ့ စိတ်သဘောထား နဲ့ အနှစ်သာရ ပြောင်းလဲခြင်း မရှိတာကို ညွှန်းဆိုပြီးတော့၊ ဘုရားသခင်ရဲ့ နာမတော် လုံးဝမပြောင်းလဲဘူးလို့ ညွှန်းဆိုတာ မဟုတ်ပါဘူး။ ယေရှုအချိန်က ဖာရိရှဲတွေကတော့ ဘုရားသခင်ရဲ့ နာမတော်က ကိုယ်တော်ရဲ့ အမှုတော်နဲ့တကွ ပြောင်းလဲတာကို မသိ ခဲ့ကြတာကြောင့် သူတို့က ယေဟောဝါသည်သာ သူတို့ ဘုရားသခင်ဖြစ်ပြီး၊ ယေဟောဝါကလွဲပြီး တခြားကယ်တင်ပိုင်ရှင် မရှိလို့ ယုံကြည်ခဲ့ကြတယ်။ ဒါ့ကြောင့် ဘုရားသခင်က ကျေးဇူးတော်ခေတ်ရဲ့ အမှုတော်ကို စတင်ပြုတော်မူချိန်မှာ ကိုယ်တော်ရဲ့ နာမတော်က သခင်ယေရှုဖြစ်လာခဲ့ပြီး၊ သူတို့က လည်း အဲဒါကို လက်မခံနိုင်ကြတဲ့အပြင်၊ သူတို့က သခင်ယေရှုကို ထိတ်ထိတ်ပျာပျာနဲ့ အပြစ်တင်ရှုတ်ချပြီး၊ ခုခံခဲ့ကြပါတယ်။ သူတို့က ကိုယ်တော်ကို ကားတိုင်တော်ပေါ်မှာ တင်ပြီး၊ ရက်စက် ကြမ်းကြုတ်တဲ့ အပြစ်ကို ကျူးလွန်ခဲ့ကြတာကြောင့် သူတို့တွေဟာ ဘုရားသခင်ရဲ့ အပြစ်ဒဏ်ပေးခြင်းကို ခံခဲ့ရတယ်။ သူတို့တွေက ဘုရားသခင်ရဲ့ ဘယ်ပြောင်းလဲခြင်းမရှိတဲ့အရာကို ညွှန်းဆိုထား မှန်း နားမလည်ခဲ့တဲ့အပြင်၊ သူတို့က ဘုရားသခင့်အမှုတော်ရဲ့ အခြေခံမူတွေကိုလည်း သတိမပြုခဲ့ကြတာကြောင့်၊ သူတို့က ဆိုးယုတ်တဲ့ လုပ်ဆောင်ချက်တွေကို ပြုပြီး၊ ဘုရားသခင်ကို ခုခံခဲ့ကြတဲ့အတွက်၊ သူတို့တွေဟာ ဘုရားသခင်ရဲ့ ကယ်တင်ခြင်း ကို ဆုံးရှုံးခဲ့ကြတယ်”ဟု ပြောခဲ့သည်။
ဝမ်းဖန်က စကားပြော၍ပြီးဆုံးချိန်တွင်၊ ကျွန်မခေါင်းကိုညိတ်ကာ၊ စိတ်ခံစားချက်အပြည့်ဖြင့် “အခုတော့ နင့်မိတ်သဟာယပြုခြင်း ကြောင့် အများကြီးပိုနားလည်လာခဲ့ပြီ၊ အမှန်တော့ ‘ယေရှုခရစ်သည် မနေ့၊ ယနေ့၊ နောင်ကာလ အစဉ်အမြဲ မပြောင်းမလဲနေတော်မူ၏။' (ဟေဗြဲ သြဝါဒစာ ၁၃:၈) ဆိုတဲ့ နှုတ်ကပတ်တော်က ဘုရားသခင်ရဲ့ အနှစ်သာရက ပြောင်းလဲခြင်းမရှိပေမဲ့ ဘုရားသခင်ရဲ့ နာမတော်က တော့ ပြောင်းလဲနိုင်တယ် လို့ ညွှန်းဆိုထားတာ ဖြစ်တယ်။ ဘုရားသခင်ရဲ့ အမှုတော်က အမြဲတမ်း ရှေ့ဆက်ဆောင်ရွက်နေပြီး၊ ကိုယ်တော်ရဲ့ နာမတော်က ကိုယ်တော်ရဲ့ အမှုတော်နဲ့တကွ ပြောင်းလဲသွားတယ်။ အား။ ယေရှုခေတ်က ဖာရိရှဲတွေဟာ ဒီအချက်ကို နားမလည်ပဲနဲ့ ဘုရားသခင်ရဲ့ နာမတော်က ယေဟောဝါဖြစ်တယ်၊ တခြားဘာကိုမှလည်း ပြောင်းလဲမှာမဟုတ် ဘူး ဆိုတဲ့ ယုံကြည်ခြင်းနဲ့ ပညတ်တော်ခေတ်က ကိုယ်တော်ရဲ့ အမှုတော် အတိုင်းအတာ အတွင်းမှာပဲ ဘုရားသခင်ကို ဘောင်ခတ် ထား ခဲ့တယ်။ အဆုံးသတ်မှာ သူတို့က သခင်ယေရှုနဲ့ ယေဟောဝါတို့က ဘုရားတစ်ပါးတည်းဖြစ်ကြောင်းကို သတိမပြု နိုင်ခဲ့ကြဘူး။ ဘယ်လောက် မိုက်လိုက်တဲ့ သူတွေလဲ။ ဒီနေ့ ဒီအကြောင်းကိုသာ နင်ငါ့ကို မိတ်သဟာယမပြုပေးခဲ့ရင်၊ ငါလည်း ဖာရိရှဲတွေလိုပဲ မျက်ကန်းတစ္ဆေဖြစ်ပြီး၊ ဘုရားသခင်ရဲ့ အမှုတော် ကို နားလည်မှာမဟုတ်ဘူး။” ဟု ဆိုခဲ့ပါသည်။ ထိုအချိန်လေး တွင်ပင် ဗျာဒိတ်ကျမ်း ၃:၁၂ က “ငါ၏နာမသစ်” နှုတ်ကပတ်တော်များကို သတိရမိကာ ကျွန်မက “ငါတို့ပြောခဲ့တဲ့ အကြောင်းနဲ့ပတ်သက်ပြီး၊ ဘုရားသခင်က နောက်ဆုံးသောကာလ မှာ ပြန်ကြွလာတဲ့အချိန်မှာ နာမတော် အသစ်ကို ဧကန်မုချ ရရှိမှာဖြစ်တယ်။ ဒါ့ကြောင့် ဘုရားသခင်ရဲ့ နာမတော်က ဘာဖြစ်မလဲ” ဟု ပြောခဲ့ပါသည်။
ထို့နောက်တွင် ဝမ်းဖန်းက စိတ်လှုပ်ရှားစွာဖြင့် “လွန်ခဲ့တဲ့ ရက် အနည်းငယ်ကပဲ လုပ်ဖော်ကိုင်ဖက် တစ်ချို့နဲ့ ငါဟာ အတူတကွ မိတ်သဟာယပြုပြီး၊ ရှာဖွေခဲ့ကြတဲ့အပြင်၊ နောက်ဆုံး မှာ ငါတို့ ရလဒ်တွေကို စုဆောင်းရရှိခဲ့တာဟာ ဘုရားသခင်ကို ကျေးဇူး တင်ပါတယ်။ သမ္မာကျမ်းစာမှာ နောက်ဆုံးသောကာလမှာ ဘုရား သခင်က ဘယ်လိုခေါ်ဝေါ်ခြင်း ခံရမယ်ဆိုတာကို ပြောထားပြီး သားဖြစ်တယ်။ ဗျာဒိတ်ကျမ်းမှာက ‘ငါသည် အာလဖဖြစ်၏။ ဩမေဃလည်း ဖြစ်၏ ဟု အနန္တတန်ခိုးနှင့်ပြည့်စုံတော်မူ၍၊ ပစ္စုပ္ပန်၊ အတိတ်၊ အနာဂတ်ကာလအစဉ် ရှိတော်မူသော ထာဝရ အရှင် ဘုရားသခင် မိန့်တော်မူ၏။' (ဗျာဒိတ်ကျမ်း ၁:၈) ‘တဖန်တုံ၊ ဟာလေလုယ၊ အနန္တတန်ခိုးနှင့် ပြည့်စုံတော်မူသော ထာဝရ အရှင်၊ သည် စိုးစံတော်မူ၏ ဟုစည်းဝေးသော သူအများတို့၏ အသံ၊ သမုဒ္ဒရာသံ၊ ပြင်းစွာသော မိုဃ်းကြိုးသံကဲ့သို့ ငါကြား၏။’(ဗျာဒိတ်ကျမ်း ၁၉:၆-၇) ‘ထိုသတ္တဝါလေးပါးတို့၏ ကိုယ်ပတ်ဝန်းကျင်၌၊ တပါးတပါးလျှင် အတောင်ခြောက်ခုစီရှိ၍၊ အတွင်း၌ မျက်စိနှင့်ပြည့်ကြ၏။ သူတို့ကလည်း၊ အနန္တတန်ခိုး နှင့်ပြည့်စုံ၍၊ ပစ္စုပ္ပန်၊ အတိတ်၊ အနာဂတ်ကာလ အစဉ် ရှိတော်မူသော ထာဝရအရှင်ဘုရားသခင်သည် သန့်ရှင်းတော်မူ၏။ သန့်ရှင်းတော်မူ၏ နေ့ညဉ့်မပြတ် ငြိမ်၍ မနေဘဲ ပြောဆိုကြ၏။' (ဗျာဒိတ်ကျမ်း ၄:၈) ‘အနန္တတန်ခိုးနှင့်ပြည့်စုံ၍၊ ပစ္စုပ္ပန်၊ အတိတ်၊ အနာဂတ်ကာလအစဉ်ရှိတော်မူသော ထာဝရအရှင် ဘုရားသခင်၊ ကိုယ်တော်၏ မဟာတန်ခိုးတော်ကို ယူဆောင်၍ စိုးစံတော်မူသော ကျေးဇူးတော်ကို အကျွန်ုပ် တို့သည် ချီးမွမ်းပါ၏။' (ဗျာဒိတ်ကျမ်း ၁၁:၁၇) လို့ပြောထားတယ်။ အနန္တတန်ခိုးရှင်က ဗျာဒိတ်ကျမ်း ၁၅:၃၊ ၁၆:၇ နဲ့ ၁၆:၁၄ နဲ့ ၂၁:၂၂ ဆိုတဲ့ ကျမ်းချက်တွေမှာ မိန့်တော်မူခဲ့ ပြီးသား ဖြစ်တယ်။ သခင်က နောက်ဆုံးသောကာလမှာ ပြန်ကြွလာ တဲ့အချိန်မှာ ကိုယ်တော်ရဲ့ လူသားတွေကို ကယ်တင်ခြင်း အမှုတော်ကို ပြုဖို့ အနန္တတန်ခိုးရှင် ဆိုတဲ့ နာမတော်ကို ခံယူမှာ အများကြီးဖြစ်နိုင်ကြောင်းကို ဒီကျမ်းချက်တွေက ဖော်ပြနေတယ်။ ဒါ့ကြောင့် တစ်စုံတစ်ယောက်က သခင်ယေရှု အမှုတော်အသစ်ကို ပြုဖို့ ပြန်ကြွလာပြီး၊ ကိုယ်တော့်နာမတော်ကလည်း အနန္တ တန်ခိုးရှင်လို့ ပြောင်းသွားပြီ လို့ တရားဟောခဲ့ရင်၊ ဒါဟာ သခင့် ပေါ်ထွန်းခြင်း နှင့် အမှုတော် အများကြီးဖြစ်နိုင်တဲ့အပြင်၊ ငါတို့အားလုံးကလည်း ဒါကို အလျင်အမြန်ပဲလေ့လာပြီး ရှာဖွေရမယ်။ အဲဒါမှသာလျှင် ငါတို့က သခင့်ကို ကြိုဆိုဖို့ အခွင့်ရ နိုင်မယ်”ဟု ပြောခဲ့ပါသည်။
သူမကို နားထောင်ပြီးနောက်၊ ကျွန်မသည် ရင်ဖိုပျော်မြူးကာ၊ “သခင့်ကို ကျေးဇူးတင်ပါတယ်။ ငါဒီနေ့အများကြီး ရရှိခဲ့တယ်။ အရင်က ဒီနှုတ်ကပတ်တော် ကျမ်းပိုဒ်တွေကို ခဏခဏဖတ် ပေမဲ့လည်း ဒီလိုနည်းလမ်းမျိုးနဲ့ တစ်ခါမှ မတွေးဆဖူးတဲ့အပြင်၊ ဒီအရာတွေကိုလည်း ဘယ်တော့မှ နားမလည်ခဲ့ဘူး။ ဒီနေ့တော့ ဘုရားသခင်ရဲ့ နာမတော်က ပြောင်းလဲနိုင်ပြီး၊ နောက်ဆုံးသော ကာလမှာ ကိုယ်တော်ဟာ နာမတော်အသစ် ရရှိမယ်ဆိုတာကို နောက်ဆုံးမှာ ငါ နားလည်လာခဲ့ပြီ။ ဒီထက်ပိုတာက ငါက သခင့်ကို ကြိုဆိုဖို့ နည်းလမ်းကို တွေ့ခဲ့ပြီ”ဟု ပြောလိုက်ပါသည်။
ကျွန်မသည် အလွန်ပျော်ရွှင်ပြီး၊ ကျွန်မ၏ နှလုံးသားသည် ချိုမြိန်ခြင်းနှင့် ဝမ်းမြောက်ခြင်းတို့ဖြင့် ပြည့်နှက်နေပါသည်။ ဝမ်းဖန်းနှင့် ကျွန်မတို့သည် ကျွန်မတို့ မိတ်သဟာယပြုခြင်းကို ဆက်လက်ဆောင်ရွက်ခဲ့ကြပါသည်...